muhemmed yusup

muweppeqiyetke erishkenlerning hemmisi ozliride muweppeqiyetning adetlirini yetishturgen kishilerdur. shunga ular nurghunlighan katta ishlarni we zor netijilerni ozlirimu hes qilmay, hetta oylapmu olturmay qolgha kelturgen. chunki ular ashu katta ishlarni ozlirining kundilik adetlirige aylanduruwalghan. adetke aylanghan ishlar ixtiyarsiz halda qilinidu.

nawada, sizmu ozingizde muweppeqiyetning adetlirini yetildurelsingiz, sizdin sadir bolidighan ishlarning hemmisi birerdin muweppeqiyet, birerdin ghelibe bolup otturigha chiqidu.

kundilik adetning qandaq paydisi bar?

 kundilik adet pilanlarni emelge ashurush, ozini yetildurush we muweppeqiyet qazinish uchun nahayiti muhimdur. buningdin bashqa, kundilik adet intizamliq bolushqa, pilanliq ish qilishqa, rohiy we jismaniy saghlamliqqa, ishlarni oz waqtida qilishqa, qabiliyetni ashurushqa, waqitni pilanliq bashqurushqa, ozimizge we ailimizge kongul bolushke, pul-malni we waqitni tejeshke, shundaqla az waqitta kop netijilerni qolgha kelturushke kapaletlik qilidu.

  almuta shehiride yeshi yetmishtin ashqan bir akimiz bar. dostlirim meni tez mangidu, deydu, emma men u kishi bilen yol mangsam arqisidin yetishelmey qalimen. uning ten saqliqi we beden layaqiti heyran qaldurarliq derijide yaxshi. u kishidin buning sirini sorighinimda, uning siri axshimi burun yetip, etigen seher turush we namaz bamdattin keyin bir saet mengish ikenlikini sozlep bergen idi. bu kishi nechche on yillardin beri shu aditi boyiche ish qilidiken.

suriyelik bir alimning her kuni seher waqti saet tottin altigiche ikki saet yezishni adet qiliwalghanliqini we shundaq yezip, sekkiz yilda 22 tomluq chong eserni royapqa chiqarghanliqini oqup qattiq tesirlengen idim. adem ozide muweppeqiyetning adetlirini yetilduruwalghandin keyin, muweppeqiyet ozlikidin kelidiken. peqir ozumni alsam, yezishqa qedem qoyghinimgha ottuz yildin eshiptu. her kuni qisqa bolsimu birer nerse yezishni adet qiliwalghanmen. hazirgha qeder 32 parche kitab, ikki ming parchidin koprek maqale yezip elan qildim. maqaliler toplamlirimning sani altige yetti. men bu ishlarni kundilik xizmet ichidin waqit chiqirip, axshamliri telewizorgha yaki ijtimaiy taratqulargha ketidighan waqitlirimni ishlitip qolgha kelturdum. 10 tomluq «tepsir jewherliri» kundilik radiyo anglitishigha 15 minutluq tepsir programmisi teyyarlash aditimning mewisi hesablinidu. peqir 5218 betlik bu tepsirni teyyarlash uchun kundilik xizmitimni, aile ishlirimni we aram elishimni qurban qilmidim, peqetla her kuni melum waqtimni muntizim chiqardim, xalas. adet degen ene shundaq sehirlik we beriketlik nerse iken. shunga biz ozimizge paydiliq ishlarni adet haligha kelturushke tirishishimiz lazim.

neme uchun ozimizge paydiliq ishlarni dawamlashturalmaymiz?

kopinchimizning ozimizge we ten saqliqimizgha paydiliq bolghan ishlarni uzun waqit dawanlashturalmay, ottura yolda tashlap qoyushimizning sewebi u ishlarning kundilik aditimizge aylinalmighanliqidindur. mesilen: kopinchimiz axshimi burun yetip, seher turushning ten saqlimizni saqlash,  beriket tepish, ishlirimizda rawaj tepish uchun muhim ikenlikini anglighan chaghda, qattiq hayajanlinip ketimiz we bir- ikki kun burun yetip, seher turimiz. bizdiki hayajanning tugishi bilen yene biz burunqi halitimizge qaytiwalimiz. beden cheniqturushning muhimliqini anglighan yaki oqughan waqtimizda, her kuni birer saet mengishqa bel baghlaymiz, hetta cheniqish saymanlirini setiwalimiz. emma uni birer heptidin kop dawamlashturalmay tashliwetimiz. chetel tili oginishning paydilirin anglighanda, til oginishke bel baghlap kitablarni setiwalimiz, hetta til kurslirigha ozimizni tizimlitimiz, emma ikki hepte dawamlashturalmay tashliwetimiz. chunki, biz bu ishlarni adet haligha kelturelmiduq. eger yuqiriqi ishlar bizning kundilik aditimizge aylinip ketken bolsa idi, biz hech oylimastin, ozimizni zorlimastin we hechbir qiyin kormestin dawamlashturup keteligen bolattuq.

adetni qandaq yetildurimiz?

dawamlashturmaqchi bolghan herqandaq bir ishni hayajandin yiraq, boshangliqtin we horunluqtin xaliy turup, eng az degende 21 kun chidap dawamlashturush shu ishni adet haligha kelturushning yolidur. siz qandaqla bir ishni adet haligha kelturgen waqtingizda, siz u ishni ixtiyarsiz halda ozlingizdin qiliweridighan bolup ketisiz. netijide, nurghunlighan katta ishlarni we zor muweppeqiyetlerni hechqandaq japa-musheqqet hes qilmayla qolgha keltureleysiz.

baliliq chaghlirimda yan kochidiki qoshnimiz dawud axun tomurchining bolqa tutqan qoligha heyran qalattim. chunki manga u kishining ashu qoli tom we mixta korunetti. bir qolida tutuwalghan bolqini men ikki qolum bilenmu koturelmeyttim. hayatimda mexsus beden cheniqturghan nurghun sportchilarni kordum, emma dawud axun tomurchining qolidek kuchluk qolni kormidim. tomurchining bolqa urup qolini kuchlendurushni niyet qilmighanliqi, hetta oylapmu baqmighanliqi eniq. emma uning bolqa koturushi kundilik aditige aylanghan. shuning bilen uning bolqa tutqan qoli kuchlinip mangghan. bashqa ishlarmu shuninggha oxshaydu. mesilen: kunde bir bet quran yadlashni izchil dawamlashtursingiz, bu sizning aditingizge aylinip ketidu-de, ozingiz hes qilmay quran kerimni toluq yadlap keteleysiz. chunki, siz yadlashqa ustilashqanseri yadlash ongayliship mangidu, sizge qilche eghir kelmeydu. kunde chetel tilidin bir qanche soz oginishni uzmey dawamlashtursingiz, bu sizning aditingizge aylinip ketidu. netijide, bir qanche ay ichide shu tilda kop ishlitilidighan muhim sozlerni oginiwalisiz. shuningdek, her kunde bir qanche bet kitab oqushni uzmey dawamlashtursingiz, kundilik kitab oqush sizning aditingizge aylinip ketidu. bu arqiliq bilim -sewiyeyingiz ashidu, upuqingiz kengiyidu, kop nersileni we ishlarni biliwalisiz.

 untumangki, herqandaq ish mustehkem irade we izchilliq telep qilidu. siz hemmidin awwal ozingizde omur boyi qalidighan adetni yetildurushke tirishing.!

yetildurush zorur bolghan 7 adet

1.     etigenlik wezipe

bugunning ishlirini axshamdin pilanlap, seher turushqa saetni tengsheymiz, andin saet 11de uxlap bolimiz. chunki, bedinimizdiki biyologiyelik saet keche saet 11din 3 kiche jegerdin zeher tazilash bilen bolidu. zeherning tazilinishi uchub mushu waqit ichide bizning uxlighan bolushimiz sherttur.

namaz bamdattin burun, hechbolmighanda yerim saet burun ornimizdin turimiz, yaxshi aram alghanliqimiz we ezayimizning saq - salamet ishlep turuwatqanliqi uchun, «elhemdulillah!» dep, chin qelbimizdin allah taalagha shukur qilimiz. bu bizning bir kunluk ishimizning netijilik bolushi, rohimiz ustun we konglimiz xushal turushimiz uchun yeterliktur.

andin qanche reket oquyalisaq shunchilik tehejjud namizi oquymiz, bu arida bir- ikki istakan issiq suni az-azdin ichimiz. namaz bamdatni oqup bolghandin keyin, etigenlik zikirlerni eytimiz, quran kerimdin bir qanche bet oqup dua qilimiz.

2.     beden cheniqturush

beden cheniqturushning ten salametlik uchun qanchilik zor paydiliq ikenlikini sozlep olturushning hech hajiti yoq. beden cheniqturushning hemme yashtiki kishiler qilalaydighan eng ongay turi  hawaliq jaylarda mengishtur. her kuni eyni waqitta bir saet, az degende yerim saet mengish bedinimiz, eqlimiz we rohimiz uchun nahayiti paydiliqtur. kundilik mengiwetip tepekkur qilish nemidegen guzel!.

3.     saghlam ghizalinish

yeydighan, ichidighanlirimizning bedenning teleplirige munasip kelidighan, jismimizgha energiye bereleydighan paydiliq ghizalardin bolushi, nashtini kechikturmey obdan qilish, chushte quwwetlik yeyish, axshimi az yeyish, kechisi qetiy yemeslik, mejbur bolup qalmighanda sirttin tamaq yemeslik, exlet yemekliklerni qetiy yemeslik barliq tebbiy mutexessislirining birdek tewsiyesi bolup kelmekte.

sheksizki, ashxanilardin tamaq yeyishning we exlet yemekliklerni istemal qilishning ornigha oy tamiqini yeyish hem ten saqliqimiz hem iqtisadchanliq uchun eng yaxshidur.

4.     konkret pilan tuzush

kunluk pilan tuzush uzun muddetlik chong pilanlarni bolup- bolup emelge ashurush uchun nahayiti yaxshi charidur. kundilik ishlarni we kichik pilanlarni yolida elip baralighan adem chong pilanlarni elwette emelge ashuralaydu. chunki herqandaq chong ishlar kichidin bashlinidu.

5.     waqit jedwilige reaye qilish

ishlarni tertipi boyiche qilish, eng muhimlirini muhimlirining aldigha qoyush, muhimlirini muhim emeslirining aldigha qoyush muweppeqiyet qazinishning yolidur. kunluk jedwel boyiche retlik ish qilishning paydisi nahayiti koptur. addiysi,  waqitni tejesh, kop ishlarni bejirish, jiddiylishishtin saqlinish uchun intayin paydiliqtur.

6.     yengi nersilerni oginish

toxtawsiz oginish toxtawsiz yengilinishning we her jehette tereqqiy qilishning yolidur. her kuni yengi- yengi nersilerni oginish bizning upuqimizni kengeytidu, bilimimizni ashuridu we bizni hayatliqni teximu yaxshi chushinish pursitige erishturidu.

kop kitab oqush, yaxshi leksiyelerni tingshash, wez-nesihet sorunlirigha qatnishish, diniy we ijtimaiy paaliyetlerge hazir bolush kop nersilerni biliwelishimiz uchun chong pursettur.

7.     kundilik tepekkur

           tepekkur qilish eqilni achidu. xuddi pichaq biligenseri ittikleshkenge oxshash eqilmu ishletkenseri otkurlishidu. dinimizda tepekkur qilish ibadet sanilidu. bizning dinimiz eqilgha xitab qilidighan, eqilni alahide qedirleydighan we eqilning mentiqigha hormet qilidighan ilmiy dindur. iman toghra tepekkurning mehsulidur.

tepekkur qilish arqiliq toghra qarar chiqarghili, ozimizning muweppeqiyetlirini bahalighili, kemchiliklirimizni koruwalghili bolidu.

her axshimi yatqan waqtimizda, bugun qandaq yaxshi ishlarni qilghanliqimiz, qolgha kelturgen netijilirimiz we bugun uchun pilanlighan ishlirimiz , pilanlap emelge ashuralmighan ishlirimiz ustide tepekkur qilishni we etiki ishlarning pilanini tuzushni adet qiliwelish tolimu yaxshi ishtur.

muhemmed yusup islam bilimliri tori

2025-yili 21-april