tayland bilen amerika arisida otkuzulidighan soda sohbiti wekiller omikide bezi ministirlarning yoqluqi diqqet tartti. tayland muawin bash ministiri we mudapiye ministiri fumtam ozining amerikining qara tizimlikige kirgenlikini ret qildi hemde ozining washingtonda bolushining hajiti yoqliqini eytti.
«bangkok pochtisi» gezitining 23-apreldiki xewirige qarighanda, tayland dolet mudapie ministiri fumtam wechayachay amerikining uninggha wiza imbargosi yurguzgenliki toghrisidiki «mish-mish paranglarni» ret qilghan. bu eyibleshler tayland hokumitining 40 uyghurni xitaygha qayturup berip, xelqara jemiyetning tenqidige uchrighandin keyin otturigha chiqqan.
igilinishiche, fumtam muxbirlarning maliye ministiri pichay chunxawajira bashchiliqidiki tayland wekiller omiki teripidin washingtonda otkuzulmekchi bolghan soda sohbitige nemishqa bir qisim muhim ministirlarning qatnashmighanliqi toghrisidiki soallirigha duch kelgen.
sohbetning charshenbe kuni bashlinishi kutulgen bolsimu, emma tayland bash ministiri peytongtarn shinawatra ozlirining amerika hel qilmaqchi bolghan «bezi mesililer» ustide ishlewatqanliqi uchun kechikturulgenlikini, yengi waqitning texi bekitilmigenlikini bildurgen.
fumtam tayland bixeterlik xadimlirining amerikigha baridighan wekiller omikide emeslikini etirap qilghan. lekin u, eger bixeterlikke munasiwetlik teklip-pikirler bolsa, bularni uninggha yollisa bolidighanliqini we uning jismaniy mewjutluqining hajiti yoqliqini eytqan.
uyghurlarning qayturulushi xelqaraning naraziliqini qozghidi
2-ayning 27-kuni 40 uyghur erning taylandtin xitay dairilirige tapshurup berilishi xelqarada zor ghulghula qozghidi. bu uyghurlardin 11 yildin buyan taylandta tutup turuluwatqan idi.
amerika tashqiy ishlar ministirliqi bayanat ilan qilip tayland hokumitini eyibligen we bir qisim tayland emeldarlirigha uyghurlarni chegradin qoghlap chiqirishtiki roli uchun jaza yurguzgenlikini elan qilghan idi. lekin, bu kishilerning ismi ashkarilanmidi.
soda sohbiti kechikturuldi, oktichiler hokumetke soal qoydi
fumtam sohbetning kechikturulgenlikini towen molcherlep mundaq dedi: «heqiqiy muhim bolghini hokumetning bu sohbetke toluq teyyarliq qilishi». oktichi xelq partiyisining rehbiri nattafong rungpenyawut hokumetni yengi soda bejining tesirige uchraydighan karxanilarni qollash pilanini elan qilishqa chaqirdi.
uyghurlarning xitaygha qayturulushining amerika bilen bolghan soda sohbitige tesir korsitemdu-yoq? degen soalgha qarita, rungpenyawut bu mesiliining sezgurluki heqqide hokumetni burun agahlandurghanliqini bildurdi.
2025-yili 24-april
