engliye hokumiti yengidin qurulghan dolet igilikidiki energiye shirkitide uyghur mejburiy emgiki bilen ishlepchiqirilghan quyash energiyelik batareye taxtisi ishletmeslikke kapaletlik qilidighanliqini bildurdi. engliye parlamenti charshenbe mezkur shirketke munasiwetlik qanun layihisige tuzitish kirguzup, buyuk britaniye energiye shirkitining yengi energiye asasliq qurulushlirini elip barghinida exlaqiy teminat zenjirlirini ishlitishte bir yetekchilik rol oynaydighanliqini bildurdi.
xewer qilinishiche, engliyening energiye bixeterliki ministiri edward milibend bu heqtiki qanun layihesige tuzitish kirguzmektiken. u engliyening dolet igidarchiliqidiki yengi shirkiti «buyuk biritaniye energiye shirkiti»ning mejburiy emgek mehsulatliridin xaliy bolushigha kapaletlik qilidighanliqini bildurup: «epsuski, xitayning dolet buyruqi bilen bolghan mejburiy emgek mesilisi yengilinidighan energiye sahesini omumyuzluk qaplidi» degen.
engliye energiye ministiri maykol shengks bu toghrisida toxtilip, «buyuk britaniye energiye shirkiti mejburiy emgektin xali bir sanaet yetekchisi bolup, u bizning bu pewquladde pakiz energiye wezipimizni ada qilishta aldigha qarap ilgirlitidu. engliye xelqi ozi ige bolghan we ular uchun xizmet qilidighan bu buyuk britaniye energiye shirkiti biz ozimizning pakiz energiye kelgusimizni yaritishta pexirlengudek bir orun bolup hesablinidu» degen.
«buyuk biritaniye energiye shirkiti» bultur iyulda yengilinidighan energiye sahesini kucheytish we energiye chiqimlirini towenlitish uchun, emgek partiyesi teripidin otturigha chiqirilghan bolup, «buyuk biritaniye energiye qanun layihesi» parlamentta maqullanghandin keyin resmiy qurulidiken.
energiye xewpsizlik ministiri miliband 21 - mart kuni engliye energiyisining 180 milyon pond-sterling qimmitidiki tunji qurulushini otturigha qoyghan bolup, uningda 200 mektepning ogzisige kuntaxta bekitilidiken. miliband muxbirlarning soaligha jawab berginide bir qisim kuntaxtilarning xitaydin kelidighinini etirap qilghan idi.
engliye parlament ezasi dawid alton buninggha naraziliq bildurup, ozining twitter (X) hesabida uyghur qulluq emgiki arqiliq yasalghan kuntaxtilarni ishlitishning exlaqsizliq ikenliki we buningda engliyening qoli bolmasliqigha chaqiriq qilghan idi.
xewerde quyash energiyelik batareye taxtisining asasliq materiyali bolghan kop kiristalliq kiremniyning yershariwi teminatining %45 ining sherqiy turkistandin kelidighanliqi, bu mehsulatlarning uyghurlarni sistemiliq basturush, keng kolemde mejburiy emgekke selish arqiliq ishlepchiqirilidighanliqi qeyt qilinghan.
amerika hokumiti «uyghur mejburiy emgikini cheklesh qanuni»ni ijra qilishqa bashlighandin buyan, sherqiy turkistanda ishlepchiqirilghan paxta mehsulatliri, shoxla mehsulatliridin sirt, quyash energiyelik batareye taxtisi mehsulatlirimu uyghur mejburiy emgikidiki asasliq nishanlardin biri bolmaqta.
2025-yili 26-april
