papa firansisning depne murasimi munasiwiti bilen watikangha barghan ukraina prezidenti wolodimir zelenskiy  amerika prezidenti donald tramp bilen korushti, 2025-yili 26-aprel.

amerika prezidenti donald tramp yekshenbe kuni ukraina prezidenti wolodimir zelenskiyning rusiye bilen bolghan tinchliq kelishimining bedili supitide qirimdin waz kechishke teyyar ikenlikini otturigha qoydi. amerika tashqi ishlar ministiri rubio shu kuni mundaq dedi: «eger rosiye bilen ukraina sohbette ilgirilesh hasil qilmisa, tramp hokumiti muresse qilish tirishchanliqidin waz kechishi mumkin».

amerika prezidenti tramp 27-aprel yekshenbe kuni rosiyeni ukrainagha qaratqan hujumlirini toxtitishqa chaqirdi we ukraina prezidenti wolodimir zelenskiyning rusiye bilen bolghan tinchliq kelishimining bedili supitide qirimdin waz kechishke teyyar ikenlikini otturigha qoydi.

royters agentliqining xewer qilishiche, tiramp yekshenbe kuni yengi jersiy shitatida muxbirlargha qilghan sozide, rosiyening ukrainagha qaratqan hujumidin umidsizlengenlikini we shenbe kuni watikanda zelenskiy bilen yuzmuyuz korushushining ongushluq bolghanliqini eytti.

zelenskiyning kelgusidiki tinchliq kelishimide 2014-yili rusiye qoshuwalghan qara dengiz yerim arili qirimdin waz kechishke teyyar yaki emesliki soralghanda, tiramp mundaq jawab berdi: «he, meningche shundaq. qaranglar, qirim mesilsii 12 yil burun idi».

tramp arqidin qirimning yutiwelinishini ozidin burunqi demokratchi prezidentlar barak obama we jow baydingha artip, ularni rosiyening qirimni «urushmay» igiliwelishigha yol qoydi dep eyiblidi.

u mundaq dedi: «shunga men bilen qirim toghrisida paranglashmang, berip obama we baydin bilen qirim toghrisida paranglishing. esingizde tutung, bu baydinning urushi, trampning urushi emes. men bu mesilini hel qilmaqchi boluwatimen. mesile bek kop adem oluwatidu».

rubio: tiramp muressedin waz kechishi mumkin

amerikining ukraina urushini axirlashturush teklipi rosiyening qirimni kontrol qilghanliqini resmiy etirap qilishni oz ichige alidu, shuning bilen bir waqitta rosiyening ukrainaning bashqa jaylirigha bolghan kontrolluqinimu etirap qilidu. buninggha selishturghanda, yawropa we ukraina otturigha qoyghan teklipler territoriyelik mesililerning urush toxtitilghandin keyin muzakire qilinishini telep qilidu.

amerika tashqiy ishlar ministiri rubio shu kuni NBC ning «axbarat bilen korushush» programmisining ziyaritini qobul qilghanda mundaq dedi: «eger rosiye bilen ukraina sohbette ilgirilesh hasil qilmisa, tramp hokumiti muresse qilish tirishchanliqidin waz kechishi mumkin».

rubio mundaq dedi: «biz baldurraq kelishim hasil qilishimiz kerek. eger axirida kelishim hasil bolmisa, biz buninggha dawamliq waqit we bayliqlarni ajritalmaymiz».

u yene: «emma biz kelishim hasil bolushini umid qilimiz. umidwar bolushning sewebi bar, emma biz choqum emeliyetchil bolushimiz kerek, biz yeqin, emma yeterlik yeqin emes» dedi.

tiramp bilen zelenskiy shenbe kuni papa firansisning depne murasimigha qatnishishtin burun watikandiki bir cherkawda sohbet elip berip, qatmal haletke chushup qalghan ukraina tinchliq sohbitini qutuldurmaqchi bolghan idi. bu ikki rehberning 2-ayda aqsarayda keskin munazirileshkendin keyin tunji qetim korushushi boldi.

zelenski: xelqara jemiyet rosiyege yeterlik besim ishletmidi

tramp bilen zelenskiy korushkendin keyin, tiramp ijtimaiy alaqe torida rosiye prezidenti wiladimir putinni tenqidlep, rosiyening puqralar rayonigha bashqurulidighan bomba qoyup berishide «hechqandaq seweb yoq» dedi.

rosiye tashqi ishlar ministiri sergey lawrof yekshenbe kuni qoyulghan CBS ning «doletke yuzlinish» programmisida, rosiyening ukraina armiyisi ishletken nishanlargha dawamliq zerbe beridighanliqini eytti.

lawrof ziyaretni qobul qilghanda yene rosiyening amerika otturigha qoyghan 30 kunluk omumyuzluk urush toxtitish kelishimige texi qoshulmighanliqini eytti. ukraina terep bu kelishimni qobul qilghanliqini bildurgen idi.

zelenskiy telegramma uchur supisida uning yuqiri derijilik herbiy qomandanlirining rosiyening yekshenbe kuni 70 ke yeqin hujum qilghanliqini xewer qilghanliqini eytti.

zelenskiy mundaq dep yazdi: «aldinqi septiki weziyet we rosiye armiyisining emeliy herikiti shuni ispatlayduki, xelqaraning rosiyege chushurgen besimi bu urushni axirlashturushta yenila yeterlik emes».

tramp hokumitining urush toxtitish pilanigha qarshi inkaslar

ukraina we yawropa emeldarliri amerika otturigha qoyghan urushni axirlashturush teklipige qarshi turidighanliqini bildurdi.

germaniye dolet mudapie ministiri boris pistorius yekshenbe kuni ukrainaning amerikining teklipige qoshulmasliqi kereklikini, chunki urush toxtitish bedilige bek kop zemin beridighanliqini eytti.

trampning dolet bixeterlik meslihetchisi mayk waltiz prezidentning putin we zelenskiydin «umidsizlengenlikini», emma kelishimni ilgiri surushte ching turidighanliqini eytti. waltz yene amerika bilen ukrainaning az uchraydighan mineral maddilar toghrisida kelishim hasil qilidighanliqini eytti.

amerika kengesh palatasi az sanliqlar rehbiri chak shumer yekshenbe kuni tirampning «putingha teslim bolushi» din ensireydighanliqini eytti.

shumer mundaq dedi: «ukraina shunche kop qurbanliq bergen we bedel toligen, hemde putkul gherb dunyasi putingha qarshi ittipaqlashqandin keyin, ukrainadin waz kechish bir exlaqiy pajie bolidu».

2025-yili 28-april