turkiyening herqaysi jaylirida, ghezzediki zulumgha we sherqiy turkistandiki kishilik hoquq depsendichiliklirige qarshi hesdashliq bildurush hemde qollash meqsitide bir qatar paaliyetler otkuzuldi. xeyr-saxawet bazarliri we naraziliq namayishliri qatarliq kop xil paaliyetler keng kolemde uyushturulup, ahalilerning kuchluk qollishigha erishti.
ghaziantep qarqamishta: ghezze we sherqiy turkistan uchun xeyr-saxawet baziri echildi
ixlas xewer agentliqi (i h a) ning uchurigha asaslanghanda, ghaziantepning qarqamish nahiyeside 2025-yili 7-may charshenbe kuni ghezze we sherqiy turkistangha medet berish uchun xeyr-saxawet baziri echildi. «beshni ekspres» gezitining xewiride, bu paaliyetning hesdashliq we ittipaqliq rohini urghutush meqsitide otkuzulgenliki, bazarda her xil kawaplar, eneniwi tatliq-turumler we ailide teyyarlanghan yemek-ichmeklerning setilghanliqi qeyt qilinghan. bazar ahalilerning zor qiziqishini qozghighan bolup, toplanghan barliq kirimning ghezze we sherqiy turkistandiki ehtiyajliq kishilerge iane qilinidighanliqi jakarlandi. paaliyet teshkilliguchiliri qatnashquchilarning qizghin qollighanliqidin xursen bolghanliqini ipadilep, tohpe qoshqan hemmeylenge minnetdarliqini bildurdi.
yozghatta: oqughuchilar zulumgha qarshi namayish otkuzdi
«milliyet» gezitining xewirige qarighanda, yozghat bozok uniwersitetining oqughuchiliri 2025-yili 7-may charshenbe kuni ghezzediki israiliye tajawuzchiliqigha we sherqiy turkistandiki kishilik hoquq depsendichilikige naraziliq bildurush uchun namayish otkuzdi. yozghat yash insan heq we hurriyetliri insanperwerlik yardem wexpi (İHH) we pusula yashlar uyushmisi teripidin uyushturulghan bu paaliyet, uniwersitetning merkiziy ashxana binasi aldidin bashlinip, erdoghan aqdagh qurultay we medeniyet merkizide axirlashti. oqughuchilar pelestin we sherqiy turkistan bayraqlirini koturup, «zulumgha qarshi birlishimiz!» degendek lozunkilarni towlap, ittipaqliq sadasini yangratti. pusula yashlar uyushmisining reisi ramazan eli aqin: «zulumgha qarshi turush – insaniy burchimizdur» degenlerni tekitlidi.
qarabukte: balilar ghezze we sherqiy turkistanni qollap menilik paaliyet otkuzdi
«yengi shepeq» gezitining xewiride bildurulushiche, qarabukte insan heq we hurriyetliri (İHH) insanperwerlik yardem wexpi qarabuk shobisining teshkillishi bilen, 2025-yili 3-may shenbe kuni balilar ghezzediki israiliye hujumlirigha naraziliq bildurush we sherqiy turkistangha hesdashliq qilish uchun namayish qilghan. yengisheher jamesi aldidin bashlanghan namayish kamal gunesh kochisida axirlashqan. namayishqa qatnashqan balilar turkiye we pelestin bayraqlirini hemde «sherqiy turkistangha erkinlik!», «ghezze yalghuz emes!» degendek shoarlar yezilghan taxtilarni koturuwalghan. İHH qarabuk shobisi balilar guruppisining ezasi emir bayr urush we wehime ichide yashawatqan balilarning echinishliq ehwaligha kongul bolushni murajiet qilip bayanat elan qilghan. namayish «qolumni tut quddus» namliq sheir we «lewe pelestina» (Leve Palestina) naxshisigha tengkesh qilinghan erkinlik ussuli bilen axirlashti.
bu paaliyetler turkiyening herqaysi sheherliride ghezze we sherqiy turkistan xelqi bilen bolghan qerindashliq we hesdashliq rishtini yenimu mustehkemlep, turkiye xelqining zulumgha qarshi bir septe ikenlikini yene bir qetim namayan qildi.
