14-iyun istanbulda mujahid qomandan, alim, dolet erbabi, edib, tarixshunas merhum muhemmed emin bughraning wapatining 60 yilliqini xatirilesh paaliyiti otkuzuldi.

mezkur paaliyetni sherqiy turkistan olimalar birliki orunlashturghan bolup, sefakoyge jaylashqan uyghur ilim we medeniyet, tetqiqat weqfi yighin zalida otkuzuldi.

quran tilawitidin keyin aldi bilen sherqiy turkistan olimalar birliki reisi dotsent, doktor alimjan bughda echilish sozi qilip, sherqiy turkistanning aldinqi esirde ishghal astida qelish tarixidin elinidighan ibretlerning kop we muhim ikenlikini, xususen muhemmed emin bughra hezritimning hayatini tetqiq qilishning alahide ehmiyetke ige ikenlikini tekitlep otti.

arqidin istiqlal telewiziyesi teyyarlighan, merhumning jenggiwar hayati bayan qilinghan qisqa filim qoyuldi. paaliyette merhumning aile tawabiatliridin hesablinidighan fethuddin bughra «hezritimning aile kelip chiqishi we medrise hayati» temisida, muhemmed eli elioghli «hezritimning kundilik xatiriliridin eslimiler» temisida, atawullah xelpethajim «hezritimning jihadiy herikiti» temisida leksiye sozlep, merhum muhemmed emin bughraning osup yetilishi, ilim elish jeryani, hijret, seperliri, ilmiy emgekliri we weten ichi-sirtidiki kuresh tarixini tepsiliy tonushturdi.

xususen muhemmed eli elioghli ependi leksiye jeryanida merhumning hazirghiche tarqitilip baqmighan kundilik xatiriliridin bir qisim tesirlik kartinilarni korsitip, muhemmed emin bughraning eyni waqittiki japaliq kureshlirini, tarixta az korulidighan yuqiri derijilik siyasiy paaliyetlirini, chekken iztiraplirini yorutup berdi.

axirda bir qisim ustazlar soz qilip, bu paaliyet arqiliq merhumni qaytidin tonup chiqqanliqini, uning kuresh hayatidin qattiq tesirlengenlikini tekitleshti. paaliyet merhumning rohigha atalghan xetme quran duasi we opche dua bilen axirlashti.