xitayning yolgha qoyghan wizisiz sayahet siyasitige qarimay, rus sayahetchilerning pasportida turkiye tamghisi bolghanliqi uchun qiyinchiliqqa uchrawatqanliqi xewer qilinmaqta.

rus sayahetchiler 15-sentebirde yolgha qoyulghan «xitayda 30 kun wizisiz turush» siyasitige baqmay, chegradin otushte anda-sanda mesilige duch kelmekte. «Business FM» ning xewiride korsitilishiche, pasportidiki turkiyege kirish-chiqish tamghisi seweblik bir rus sayahetchining xitaygha kirishi ret qilinghan.

«TürkRus»  torining xewirige asaslanghanda, xitay dairilirining beyjing bilen enqere otturisidiki jiddiy munasiwet tupeylidin, bolupmu turkiyede 28 kundin artuq turghan rusiye puqralirini ilgirimu chegradin qayturuwetkenliki melum idi. biraq, yeqinqi weqede, sayahetchining turkiyede qisqa muddet turghanliqigha qarimay, tamghidiki cheslaning «xire» ikenliki bahane qilinghan.

sayahetchilik sahesining wekilliri bu weqening texi omumlashqan bir ehwal emeslikini, shunga wehimige chushushning hajiti yoqluqini tekitlimekte.

«Go China» sayahet shirkitining igisi sergey sedow, xitayning wizisiz tuzumge otkinige kop bolmighanliqini, shunga bu heqte yeterlik istatistikiliq melumatning texi toplanmighanliqini bildurup, oz xeridarliri ichide bundaq ehwalning korulmigenlikini ipadilidi. sedow mundaq dep korsetti: «texminen her ikki rus sayahetchining birining pasportida turkiye tamghisi bar. tamghilarning eniq oqughili bolmasliqimu kop uchraydighan ehwal. shunglashqa, men bu weqeni alahide bir ehwal dep qaraymen hemde kishilerning keng kolemlik halda chegradin qayturulushi mumkin emes dep oylaymen».

lekin sayahet shirketliri turkiyede uzaq muddet turghanlarning xitaygha kirishte qiyinchiliqqa uchrishining yengiliq emeslikini eskertti. wizisiz tuzum yolgha qoyulushtin ilgirimu xitay konsulxanilirining, kishilerning turkiyede turghan waqtini ispatlishi uchun ayropilan beliti, ayrodurumda chushken suret, hetta shu kunning cheslasi yezilghan gezitni koturup chushken suret qatarliq qoshumche materiyallarni telep qilghanliqi melum. mutexessisler bu yengi siyasetning emeliyette qandaq yolgha qoyulidighanliqini kozitish uchun bir qanche ay waqit ketidighanliqini, emma omumyuzluk cheklesh tedbiri qollinilishini molcherlimeydighanliqini bildurmekte.

xewer menbesi: 

Rus turistler Çin'e vizesiz girişte Türkiye damgasına takıldı