suret, idris hesen ependining ailisining ruxsiti bilen ishlitildi.
ottura sherq we shimaliy afriqa kishilik hoquq guruppisi (MRG) we «seyfguard dyfenders» teshkilati birleshken doletler teshkilati xalighanche tutup turush xizmet guruppisining, xitaygha qayturup berilish xewpi astidiki uyghur paaliyetchi idris hesenning marakeshte tutup turulushining xelqara qanun boyiche asassiz ikenliki heqqidiki qararini qizghin qarshi alidighanliqini bilduridu.
2025-yili 30-sentebir
jenwe, 2025-yili 30-sentebir: biz, yeni ottura sherq we shimaliy afriqa kishilik hoquq guruppisi (MRG) we «seyfguard dyfenders» teshkilati, birleshken doletler teshkilati xalighanche tutup turush xizmet guruppisining («xizmet guruppisi»), xitaygha qayturup berilish xewpige duch kelgen uyghur paaliyetchi idris hesenning marakeshte tutup turulushini xelqara qanungha asasen asassiz dep bekitken qararini memnunluq bilen qarshi alimiz.
her ikki teshkilat oz bayanatida: «gerche hesen hazir bixeter bolup, qayturup berilish xewpidin xaliy bolghan bolsimu, biz xizmet guruppisining uning uch yil yette ay dawamlashqan tutup turulushini axiri asassiz dep bekitkenlikini memnunluq bilen qarshi alimiz» deyildi.
idris hesen 2021-yili 7-ayda, 2012-yilidin buyan ailisidikiler bilen yashap keliwatqan turkiyedin ayropilan bilen marakeshke barghinida, xitayning telipi boyiche xelqara jinayi ishlar saqchi teshkilati (Interpol) teripidin «terrorluq teshkilatigha eza bolush» jinayiti bilen chiqirilghan qizil uqturushqa asasen qolgha elinghanidi.
qolgha elinip uzun otmey, xelqara jinayi ishlar saqchi teshkilati bu qizil uqturushning, teshkilatning siyasiy, herbiy, diniy yaki irqiy xarakterdiki paaliyetler bilen shughullinishini chekleydighan oz nizamnamisida xilap ikenlikini eniqlighandin keyin, uqturushni bikar qilghan. yeqinqi yillardin buyan, xitay tinch shekildiki oktichilerni basturush uchun xelqara jinayi ishlar saqchi teshkilatining qizil uqturush sistemisidin barghanseri keng kolemde paydilanmaqta.
xitaygha qayturulghan teqdirde eghir qiyin-qistaqqa uchrash ehtimalliqidin endishe qilghan ottura sherq we shimaliy afriqa kishilik hoquq guruppisi we «seyfguard dyfenders» teshkilati 2021-yili 12-ayda marakeshning qayturuwetmeslik pirinsipigha xilapliq qilishining aldini elish uchun, b d t qiyin-qistaqqa qarshi turush komitetidin (UN CAT) ihtiyatiy tedbir qollinishni telep qilghan.
marakesh dairiliri b d t qiyin-qistaqqa qarshi turush komitetining telipige binaen qayturup berish resmiyitini toxtatqan bolsimu, idris hesen komitetning delogha ait axirqi qararini kutush jeryanida tiflet turmiside dawamliq tutup turulghan. 2024-yili 7-ayda, b d t qiyin-qistaqqa qarshi turush komiteti marakeshni uni qayturup bermeslikke, shundaqla uninggha qoyulghan hechqandaq jinayet bolmisa qoyup berishke chaqirghan qararini elan qildi. netijide, idris hesen 2025-yili 12-fewral kuni qoyup berildi.
ottura sherq we shimaliy afriqa kishilik hoquq guruppisi we «seyfguard dyfenders» teshkilati: «idris hesenning delosi yekke-yegane bir hadise emes» dep tekitlidi. «yene bir deloda, marakesh hokumiti komitetning qararini kutuwatqan kishilerni qoyup berishke yol qoyidighan qanuniy belgilimilerning yoqluqini etirap qilghan. bu, emeliyette, bir shexsning b d t orginining oz delosi heqqide qarar chiqirishini kutup nechche yil turmide yetip qelishi mumkinlikidin derek beridu».
xizmet guruppisi oz qararida, xelqara jinayi ishlar saqchi teshkilatining uqturushi bikar qilinghandin keyin, marakeshning idris hesenni dawamliq tutup turush uchun hechqandaq qanuniy asas korsitelmigenlikini otturigha qoydi. shunga, marakeshning insan heqliri xelqara xitabnamisi we puqralarning siyasiy hoquqi xelqara ehdinamisining her ikkiliside kapaletke ige qilinghan kishining erkinlik we bixeterlik hoquqini qoghdash hemde xalighanche qolgha elish yaki tutup turushni chekleydighan 9-maddisigha xilapliq qilghanliqi bekitildi. xizmet guruppisi yene uning saqchi nazaritide turghan mezgilide adwokat bilen korushush hoquqidin mehrum qilinghanliqidin epsuslinidighanliqini bildurdi.
xizmet guruppisi marakeshni idris hesenning uchrighan ziyanliri uchun tolem berishni oz ichige alghan, emeliy ijra qilghili bolidighan tolem hoquqi bilen teminleshke chaqirdi. biz xizmet guruppisining qanun-belgilime we emeliyitini qayta kozdin kechurush tewsiyesini tekrarlap, marakesh dairilirini b d t ehdiname orgini teripidin waqitliq tedbir qarari chiqirilghan ehwallarda, qayturup berilish telipige uchrighan kishiler uchun nezerbendke bdyl charilerning bolushini kapaletke ige qilish uchun, dolet ichidiki qanun-nizamlirini qayta kozdin kechurushke dewet qilimiz.
xewer menbesi:
