xitayning sherqiy turkistanda yillardin buyan dawamlashturuwatqan insaniyetke xilap qilmishliri yengi guwahliqlar bilen ashkarilanmaqta. tutup turush lagerlirida ayallar, balilar we yashanghanlar eghir qiyin-qistaqlargha uchrawatqanda, meschitler cheqiliwatidu, qebristanliqlar weyran qiliniwatidu. uyghur turkliri sistemiliq halda assimilyatsiye qilinmaqta. islam dunyasi we xelqara jemiyet bolsa bu chong zulumgha sukut qilishni dawamlashturmaqta. qedimiy bir millet koz aldimizda tarixtin ochurulmekte! mana bu Jurnalist, yazghuchi halis ozdemirning estin chiqmaydighan, yureklerde chongqur iz qalduridighan «sherqiy turkistan heqiqiti: jimjitliq arqisidiki zulum» namliq maqalisi!..
xalis ozdemir
2025-yili 31-oktebir
islam dunyasi sherqiy turkistanni qurban qildi!
sherqiy turkistanda olum jimjitliqi
qedimiy bir millet yoqitiliwatqanda!
balisini, ayalini, qerindishini, dadisini, anisini izdewatqan uyghurlarning qayghuluq hekayiliri!
we uyghurlar turkiyedin ketiwatidu, nemishqa?
sherqiy turkistanda misli korulmigen usullar bilen bir irqiy qirghinchiliq yuz beriwatqanda dunya jim, insaniyet jim!
meschitliri cheqilghan, qebristanliqliri weyran qilinghan, baliliri qolidin elinghan, erliri tutqun qilinghan, ayalliri tutqun qilinip tajawuzgha uchrighan, ezaliri oghrilanghan, mal-mulukliri musadire qilinghan qedimiy bir milletning awazi anglanmaywatidu!
qarighular we gaslar oyuni oyniliwatqanda bir millet irqiy qirghinchiliqqa uchrawatidu.
eqilge sighmaydighan qilmishlar we hekayiler barliq tosqunluqlargha qarimay ashkarilanmaqta!
gulbahar jelilowaning sozlep bergenliri: «lagerda 14 yashtin 80 yashqiche ayallar bar idi, hechqandaq jinayiti yoq idi, oydurma eyibleshler bilen tutqun qilinghanidi. biz turghan yerning derizisi yoq idi, hajetxana kamerning bir bulungidiki ochuq jay idi, su yoq idi, taharet elishimiz cheklengenidi. biz turghan yerning bir qismi yaghach bilen qaplanghan bolup, nowet bilen shu yaghachqa yetip aram alattuq, bir qismimiz yerde yatqanda, qalghanlirimiz olturghudek jay bolmighachqa tik turattuq. her etigen bizdin yalingach soyunushni telep qilatti, bizge heriketlerni qilduratti, arimizdin bezilirini tallap elip ketip bizge tajawuz qilatti. balisi bar yash qizlarning bowaqlirini qolidin tartiwalghanliqi uchun eqlidin azghanlar bolatti. kamerning ishikide bir toshuk bar idi, shu yerdin qolimizni uzitip bizge okul salatti, ichide neme barliqini, neme uchun okul seliniwatqanliqini bilmeyttuq. ichide tajawuzgha uchrimighan hechkim yoq idi...». bu qanni muzlitidighan kechurmushlerge qoshulup, xitay kommunist hakimiyitining yurguzgen yene bir qanni muzlitidighan hekayini, insanlarning yoqitilishigha yene bir misalni, guwahchining ozi, yeni heriketke qatnashqan xadimning oz aghzidin iqrar qilghanlirini anglayli!
uyghurlargha qollinilghan heriket sheytanningmu xiyaligha kelmeydu!
sabiq xitay bixeterlik xadimining kishini chochutidighan iqrari: «2008-yili korgen bir weqe hayatimni ozgertti»
xitayning sherqiy turkistanda yurguzuwatqan bixeterlik heriketlirige dair yengi bir guwahliq, rayonda yillardin buyan dawamlishiwatqan sistemiliq irqiy qirghinchiliqni aydinglashturdi. lyu lang jun (六郎君) isimlik X ishletkuchisi, 2012-yili xitay qoralliq saqchi qisimidin (武警) pensiyege chiqqan sabiq saqchi, 2008-yili wezipe otigen mezgilge ait heyran qalarliq bir iqrarni oz ichige alghan uchurini hembehrilidi.
guwahchining bayanliri: «men shinjangda (sherqiy turkistan) 12 yil xizmet qilghandin keyin 2012-yili pensiyege chiqqan qoralliq saqchi xadimi. 2008-yili yuz bergen bir heriket heqqide bir hekayini sozlep bermekchimen. heriket texminen mundaq idi: u kuni polk qomandanimiz bizdin mehbuslarni elip kelish uchun turmige berishimizni telep qildi. barghandin keyin ularni xelq azadliq armiyesining formisigha almashturushimiz kerek idi. men heyran qaldim. polk qomandanidin neme ish bolghanliqini qayta soridim. u bizge sorimasliqimizni eytti. mehbuslarning kiyimlirini almashturghandin keyin, polk qomandani bizge yerliklerdek kiyinishimizni eytti; musulmanche chapan we yaghliq. andin bizni forma kiygen mehbuslardin ayrip, wezipimizni orundaydighanliqimizni eytti. wezipe ornigha yetip barghanda, yuk-taqlirimizdin eslihelirimizni elishimizni eytti. jemiy sekkiz somka bar idi, biz sekkiz kishi iduq, ichi piltilik ot qoyush sheshiliri bilen tolghanidi. andin bizge heriket yolyoruqini berdi.
«heriketning heqiqiy meqsitini keyin chushendim»
bizge, xelq azadliq armiyesi eskiri qiyapitige kirgen tot qachqun mehbusning rayonimizdin otuwatqanliqi eytildi. ular pusush ornigha yetip kelgende, sekkizimiz ulargha piltilik ot qoyush sheshilirini etip ularni koyduruwetidikenmiz. shundaqla, wezipimiz bu tot kishining olumige kapaletlik qilish iken. shundaq qilip, xelq azadliq armiyesi eskiri qiyapitidiki tot mehbus yeqinlap keldi we sekkizimiz yugurup ularning yenigha barduq. ularni korginimde tonushtek korungenlikini hes qildim. turmidin elip chiqqan tot kishi ikenlikini oylidim. andin ularni piltilik ot qoyush sheshilirini etip koyduruwettuq we olgenlikini jezmleshturduq. u chaghda men hang-tang qelip, buning neme uchun bolghanliqini oylidim. buning sehnileshturulgen bir oyun ikenlikini oylidim. etisi, tot xelq azadliq armiyesi eskirining sekkiz uyghur teripidin hujumgha uchrap olturulgenliki heqqide bir xewerni kordum. shu kuni, putun qismimiz «muqimliqni qoghdash» uchun jiddiy halda weqe yuz bergen jaygha berishqa yighildi. mashinidin chushup weqe yuz bergen jayni korginimde chochup kettim. biz sekkizimiz tot mehbusni shu yerde koydurup olturgeniduq. yeqin etrapta bir yeza bar idi. yetekchimiz, sekkiz terorchining yeza bilen alaqisi barliqini qeyt qildi. yeza ahaliliri, sekkiz ademni tapshurushqa mejbur boldi. elwette, yeza ahaliliri bizning mexpiy herikitimizdin xewersiz idi. shunga yuz beshi yezidiki hemmeylenni tutqun qilishqa buyruq qildi.
«bir yezining yoqitilishigha guwah boldum»
etisi jiddiy halda heriket uchun yighilip, bala-chaqa we yashanghanlarni oz ichige alghan putun yezini yighip kelduq. yeza xeritidin degudek ochurulgenidi. herbiy xizmettin pensiyege chiqqandin keyin rayonni qayta ziyaret qilghinimda, oylerningmu cheqiwetilgenlikini kordum. hechneme qalmighanidi. bu kechurmush, mening herbiy xizmettin ayrilish qararimghimu tesir qildi. yillar otkendin keyin, bu wezipining sewebini bildim. shinjangdiki (sherqiy turkistan) yezilarda otlaqning cheklinishining sewebi 2008-yilliq beyjing olimpik tenheriket yighini iken. hokumet emeldarliri buni yezigha uqturush uchun barghanda bir talash-tartish yuz beriptu. andin alahide saqchini chaqiriptu we alahide saqchi, yeza ahalilirining barliq qoy-qozilirini mejburiy musadire qiliptu. alahide saqchi qoylarni musadire qiliwatqanda, bir qanche yash emeldarlar bilen urushup, ulargha tash we xishlar bilen hujum qiliptu. mana shu sewebtin putun yeza yer bilen yeksan qilinip, barliq yeza ahaliliri tutqun qiliniptu. bu weqe meni chongqur tesirlendurdi. bu weqedin keyin qetiy pensiyege chiqishqa qarar qildim. bu heqte demekchi bolghanlirim mushunchilik. kommunistik partiye heqiqeten rezil».
buningdin bashqa, sabiq xitay saqchisi hembehriligen uchurining astigha 2008-yili shu mezgilde yuz bergen weqege munasiwetlik xewerlerning ulinishinimu qaldurghan.
mutexessislerning qarishiche, bu guwahliq xitayning sherqiy turkistanda yillardin buyan yurguzuwatqan «muqimliqni qoghdash» heriketlirining arqisidiki sistemiliq yepip-yoshurush mexanizmigha dair yengi bir melumat bilen teminleydu. bolupmu «terrorluqqa qarshi turush» bahanisi bilen yurguzulgen heriketlerde uyghur puqralirining nishan qilinghanliqi heqqidiki eyibleshler, b d t kishilik hoquq komissarliqining 2022-yilliq doklatidimu keng orun alghanidi.
bu guwahliqlar xitayning irqiy tazilash siyasetlirini ashkarilighan bilen birge, epsuski insaniyet heriketke otmeywatidu! ahalisi musulman doletler we milletler sukutini saqlimaqta! sherqiy turkistandiki xitay hakimiyitining yillardin buyan sherqiy turkistanda yurguzuwatqan zulum we basturush siyasetlirining ichki yuzini, bugun rayonda dawamlishiwatqan besim tuzumining qandaq asaslanghanliqini chushinishimiz uchun intayin qimmetliktur. bu xil guwahliqlar hem tarixiy eslime, hem xelqara qanun nuqtisidin xatirilinishi kerek.
(menbe: @NYSean66 https://x.com/NYSean66/status/1976289891706081540)
qedimiy sherqiy turkistandiki musulman qerindashlirimiz eqilni hang-tang qalduridighan suyiqestler bilen yoqitilmaqta!
turk-islam doletliri we milletliri qachan awaz chiqiridu, kommunist xitay zulumigha qachan «toxta» deydu deysiz?
qachan?
bu sharaitlarda balisini, ayalini, qerindishini izdewatqan uyghurlar
muhajir uyghurlar turkiye we dunyaning herqaysi jaylirida hayat qelish kurishi bilen birge, sherqiy turkistanning musteqilliqi we oz aile ezalirini kommunist xitay hakimiyitining qolidin qutuldurush kurishini qilmaqta.
yeqinda, rizwangul nurmuhemmet inisi mewlan nurmuhemmetni xitay turmiliridin qutuldurush uchun b d t ni oz ichige alghan barliq ishiklerni charisizlik bilen qaqmaqta. uning inisi turkiyede oqughan, sherqiy turkistangha qaytip ketken we shu yerde tutqun qilinghan.
turkiyege kelish kommunist xitay uchun terrorchi bolush demektur! 9 yildin buyan xitay turmiliride tutup turulmaqta. 2026-yili 1-ayning 17-kuni uninggha berilgen jaza mudditi toshidu we qoyup berilishi kerek. mewlananing achisi inisining qoyup berilmeslikidek bir zulumgha yene bir qetim duch kelishni xalimaydu. rizwangul xanim inisi tutqun qilinghanda balisining alte ayliq ikenlikini, hazir bolsa jiyenining 9 yashqa kirgenlikini, jiyenining dadisiz chong bolghanliqini sozlep, inisining ozige tapshurup berilishini telep qilmaqta.
omer faruq ikki balisini, qerindashlirini, anisini, dadisini xitay zindanlirida izdewatidu! ulardin hechqandaq uchur alalmaywatidu. omer faruqning baliliri we putun ailisining tutqun qilinish sewebi, ailisining sherqiy turkistandiki dangliq sodigerlerdin bolushi we turkiyege meblegh selishqa bashlighanliqi. uning ustige omer faruqning ikki balisi 2-3 yash waqtida ailisining qolidin elinip ketilgen we balilar turkiye puqrasi! izdeydighan yoq, soraydighan yoq! faruqning ayali balilirining boshuklirige qarap kunlirini charisizlik ichide yighlap otkuzmekte!
abdurahman toxtining ayali, dadisi, anisi tutqun qilinghandin keyin, 2.5 yashliq balisi kommunist xitay lagerlirida kommunist xitayliq supitide assimilyatsiye qilinmaqta. abdurehman toxti charisizlik ichide peryad qilmaqta!
medine xanim inisini izdewatidu. inisi turkiye puqrasi, uniwersitetni turkiyede oqughan. anisi kesel bolup qalghanda anisigha qarash uchun sherqiy turkistangha qaytip ketidu. ketishi bilenla derhal tutqun qilinidu! jinayiti barliq uyghurlargha oxshash terrorluq bilen munasiwiti barliqidin(!) iken. xitay kommunist hakimiyitige kore, turkiyege kelish terrorchi bolush demektur!
roshen abbas doxtur bolghan singlisini izdewatidu! singlisi bashqilargha oxshash kommunist xitay hakimiyiti teripidin oydurma eyibleshler bilen turmige tashlanghan. roshen xanim yillardin buyan kuresh qilishigha qarimay, xitay hakimiyiti singlisini qoyup bermigenning sirtida, uning heqqide hechqandaq uchur bermeywatidu! roshen abbas bashqa uyghurlargha oxshash yeqinliridin hechqandaq xewer alalmaywatidu!
we uyghurlarning hemmisi degudek oxshash teqdir we muamilige uchrawatidu.
turkiyedin xitaygha elip berilghan bezi Jurnalistlarning xitaydin qaytip kelgendin keyin qilghan bayanatliri putunley xainliqtur.
sherqiy turkistanda insaniyetke qarshi jinayet dawamlishiwatqanda dunya jim, musulman turk we islam dunyasi sezgusiz we sukutte!
zulumgha razi bolush zulumdur!
wessalam
http://bncmedyahaber.com/haber-dogu-turkistan-gercegi-sessizligin-ardindaki-zulum-8553.html
