turkistan taymiz – ottawa: kanadadiki kishilik hoquq teshkilatliri hokumetni uyghurlarning mejburiy emgiki arqiliq ishlepchiqirilghan mehsulatlarning doletke kirishini tosush uchun chegra kontrolluqini kucheytishke we bu sahege teximu kop meblegh selishqa jiddiy dewet qilmaqta.

«uyghur heqlirini qoghdash teshkilati» (URAP) yeqinda elan qilinidighan dolet xamchotida kanada chegra mulazimet idarisining iqtidarini ashurush uchun mexsus meblegh ajritilishini umid qilidighanliqini bildurdi. teshkilatning siyaset deriktori jasmin keyntning eytishiche, chegra xadimlirini murekkep teminlesh zenjirlirini perqlendurush boyiche terbiyelesh arqiliq qaysi mehsulatning mejburiy emgek bilen munasiwetlik ikenlikini eniqlash asanlishidu.

doklatta korsitilishche, kanada bazarlirida, bolupmu montrealdiki asiya talla bazarlirida sherqiy turkistandin kelgen qizil chilan qatarliq mehsulatlarni asanla uchratqili bolidu. jasmin keynt, sherqiy turkistandin kelgen, bolupmu paxta, pemidur we az uchraydighan metallar ishlitilgen mehsulatlarning hemmisi degudek mejburiy emgekning netijisi ikenlikini tekitlidi. u yene teminlesh zenjirining murekkepliki, yeni bir mehsulatning xam eshyasi sherqiy turkistandin kelip, taylandta qurashturulup, andin kanadagha kirishi mumkinlikini, buning mehsulatning esli menbesini iz qoghlashni qiyinlashturidighanliqini qoshup otti.

bu mesilige qarita, kwebekliqlar biloki partiyesi yengi bir qanun layihesini otturigha qoyup, «ispatlash mejburiyitini oruwetish»ni telep qildi. bu layihege asasen, import qilghuchilar oz mehsulatlirining mejburiy emgek arqiliq ishlepchiqirilmighanliqini ispatlashqa mejbur bolidu. bu amerikining yolgha qoyghan siyasitige oxshiship ketidu.

shirburuk uniwersitetining xitay ishliri mutexessisi serJ granger, kanada hokumitining uyghurlarning kishilik hoquq mesilisini daim tilgha alghan bolsimu, emeliy herikitining yetersiz ikenlikini, eger hokumet sozi bilen herikitini birdek qilmaqchi bolsa, bu mehsulatlarni putunley cheklishi kereklikini otturigha qoydi.