reis molenar uyghur irqiy qirghinchiliqi otturigha qoyulghan uyghur kimliki toghrisidiki paaliyette soz qildi.
axbarat elan qilish yighini | amerika dolet mejlisi xitay kompartiyesi (CCP) ishliri alahide komiteti | 2025-yili 11-dekabir
bu hepte, alahide komitetning reisi jon molenar (John Moolenaar) uyghur kishilik hoquq qurulushi, uyghur herikiti, uyghur akademiyesi we hemkarlashquchi teshkilatlar teripidin uyushturulghan «uyghur irqiy qirghinchiliqigha qarshi turush» paaliyitide soz qildi. reis molenar abbas ailisi we barliq uyghur paaliyetchilirining jasaritige hormet bildurdi, xitay kompartiyesining dawamlishiwatqan irqiy qirghinchiliqini eyiblidi hemde «uyghur mejburiy emgikining aldini elish qanuni» (UFLPA) ni ijra qilish we xitay kompartiyesini jawabkarliqqa tartish ehtiyajini qayta tekitlidi.
reis molenarning teyyarlanghan sozi:
xeyrlik chush hemminglargha,
bugun bu yerge teklip qilghininglar uchun we singlisi uchun kuresh qilishni dawamlashturuwatqanliqi uchun abbas ailisige rehmet eytimen. men shuni bilimenki, uyghur dewagerliri bolush supitinglar bilen, siler gerche xitayning sirtida yashawatqan bolsanglarmu, bezide ziyankeshlik nishanigha aylinisiler. yeqinliringlarning beshigha kelgen ishlar sewebidin siler tartqan qiyinchiliq we azabni tesewwur qilghili bolmaydu, xitay kompartiyesige qarshi kuresh qilishtiki jasaritinglar uchun hemishe mening hormitimge we qayilliqimgha sazawer bolisiler.
kommunizm – buzulghan we weyran bolghan bir ideologiye. u iqtisadiy jehettin kargha kelmeydu, doletni teximu bixeter qilalmaydu hemde meniwi jehettimu ishlimeydu. u qeyerde sinaq qilinghan bolsa, shu yerdiki etiqadliq kishilerni nishangha alidu. u insanlarning bu dunyadiki nersilerdin ustun turidighan bir kuchke ishinishtek asasiy arzusi bilen sighishalmaydu. kommunizmda hemme nerse doletke tewe bolidu, dolettin ulugh hech nerse yoq dep qarilidu; emma doletni xataliq otkuzidighan we gunah sadir qilidighan insanlar bashquridu, shunga biz dolettinmu yuqiri bir kuchning barliqini bilimiz. del shu sewebtin xitay kompartiyesi etiqadliq kishilerdin nepretlinidu. u hemme ademning ozini mukemmel dep, xataliq otkuzmeydu dep ishinishini xalaydu. u ozini tenqid qilghuchilarni senzura qilidu, oktichilerni qamaqqa alidu we etiqadinglar sewebidin xelqinglargha qarita irqiy qirghinchiliq yurguzidu.
partiye «dinni xitaychilashturush»qa ishinidu, bu bolsa xitaydiki kommunizmdin ustun bir kuchke ishinishni tallighan jasaretlik kishilerge qaritilghan keng kolemlik hujumdur. dawamlishiwatqan uyghur irqiy qirghinchiliqidiki jaza lagerliri, meschitlerning weyran qilinishi we ayallarning mejburiy tughut cheklimisige (mejburiy pichiwetishke) uchrishi – bularning hemmisi biz hergizmu koz yumuwalmasliqimiz kerek bolghan dehshetlerdur.
ularning hekayilirini dawamliq hembehrilesh we ularning asasiy kishilik hoquq uchun elip beriwatqan kurishini gewdilendurush bizning wezipimiz. men eng hormet qilidighan tarixiy shexslerning biri wilyam wilberfors (William Wilberforce) tur. u 18- we 19-esirlerde engliye parlamentida bolghan we qulluq tuzumni bikar qilish uchun nechche on yil kuresh qilghan. u zor tosalghulargha duch kelgen, emma u ozining heqqaniyet terepte ikenlikini bilgen we hergiz waz kechmigen. u bir qetim ozini tenqid qilghuchilargha: «siler bashqa yaqqa qariwelishni tallishinglar mumkin, emma hergizmu bilmeyttim dep eytalmaysiler,» degen idi.
alahide komitetta, xizmetdashlirim bilen birlikte xitay kompartiyesining wehshiyliklirini ashkarilawatimiz. biz her kuni qanun chiqarghuchilargha, bashqa hokumet emeldarlirigha, shirketlerge, diplomatlargha we ammigha xitayning kishilik hoquq depsendichiliki we nurghun mehsulatlarning teminlesh zenjiride mejburiy emgekni qandaq ishlitiwatqanliqi toghrisida sozlewatimiz. «uyghur mejburiy emgikining aldini elish qanuni» (UFLPA) ni ijra qilish shinjang (sherqiy turkistan) we xitayning bashqa jayliridiki yirginchlik mejburiy emgekni tosushta intayin muhim. shirketler teminlesh zenjirini pakiz dep korsitishni xalishi mumkin, emma ular her qetim dawamlishiwatqan irqiy qirghinchiliqqa chetishliq bir shirket bilen hemkarlashqanda, oz xeridarlirigha, exlaqigha we bu erkinlik zeminini 250 yildin buyan yeteklep kelgen yaratquchimiz bergen depsende qilghusiz hoquqlargha xiyanet qilghan bolidu. ularning hemmisi bashqa yaqqa qariwelishi mumkin, emma ular hergizmu xewirim yoqti, deyelmeydu.
bu yerge kelgininglar uchun, qiliwatqan barliq ishliringlar uchun we xitay kompartiyesige qarshi bu kureshte hergizmu kozunglarni uzmigenlikinglar uchun rehmet.
