2025-yili 26-dekabir
«hemme uchun adalet» (Justice For All) teshkilatining «uyghurlarni qutquzayli» seperwerlik herikiti, amerika dolet mejlisi xitay ishliri ijraiye komiteti (CECC) elan qilghan yengi bayqashlargha alahide diqqet tartti. CECC ning 2025-yilliq doklatida tepsiliy bayan qilinghinidek, mezkur bayqashlar xitay ishghaliyiti astidiki sherqiy turkistanda uyghurlar we bashqa turkiy milletlerge qarshi jinayetlerning helihem dawamlishiwatqanliqini pakitlar bilen xatiriligen.
CECC ning doklatida korsitilishiche, xitay dairiliri amerika hokumet organliri teripidin ilgiri «insaniyetke qarshi jinayet» we «irqiy qirghinchiliq» dep bekitilgen siyasetlerni dawamlashturmaqta. eng yengi doklat mezgilidiki deliller bu qilmishlarning toxtap qalmastin, eksiche dawamlishiwatqanliqini ispatlidi. bu qilmishlar kengeytilgen keng kolemlik nazaret qilish, xalighanche tutqun qilish, nopusni mejburiy tizginlesh tedbirliri we diniy paaliyetlerge qaritilghan teximu qattiq cheklimilerni oz ichige alidu. doklatta yene, uyghur dehqanlirini yer-makanliridin kochuruwetish we ularning yerlirini dolet kontrolluqidiki orunlargha otkuzup berish qatarliq yengi we kengeytilgen mejburiy emgek adetliri alahide tilgha elinghan bolup, bu ehwal yershari teminlesh zenjirige mejburiy emgekning singip kirishige ait yengi endishilerni qozghidi. buningdin bashqa, CECC uyghur panahliq tiliguchilerning uchinchi doletlerdin mejburiy qayturup kelinishi we chet eldiki uyghurlarning dawamliq nishangha elinishi qatarliq chegra halqighan basturushning yeqinqi misallirinimu xatirilep, xitay zulumining chegrasidin halqip ketkenlikini ashkarilidi.
«uyghurni qutquzayli» guruppisining yetekchisi arslan hidayet bu heqte toxtilip: «bu bayqashlar, uyghurlar duch keliwatqan wehshiyliklerning otmushke aylanmighanliqini eniq korsitip berdi» dedi. u sozini dawamlashturup: «CECC ning eng yengi doklati nowettiki depsendichilikler we yengi basturush delolirini hojjetleshturgen bolup, bu ehwal jawabkarliqni surushturush we ehmiyetlik xelqaraliq heriket qollinishning nahayiti zorurlukini tekitlimekte» degenlerni sozlirige ilawe qildi.
«hemme uchun adalet» teshkilatining reisi imam mujahid: «bu doklat uyghurlargha qaritilghan wehshiyliklerning texi yepilmighan bir sehipe ikenlikini, yeni zulumning hazirmu dawamlishiwatqanliqini eniq otturigha qoydi» dedi. u yene: «xelqara jemiyet quruq endishe bayanatliridin halqip, jinayetchilerning jawabkarliqini surushturush, ajiz uyghur mehellilirini qoghdash we hechqandaq hokumet yaki shirketning bu jinayetlerge sherik bolmasliqigha kapaletlik qilish uchun emeliy heriket qollinishi kerek» dep tekitlidi.
«hemme uchun adalet» teshkilatining «uyghurni qutquzayli» herikiti, amerika hokumiti, xelqaraliq sherikler we alaqidar organlarni CECC ning bayqashlirigha asasen heriket qilishqa chaqirdi. bu heriketler; mejburiy emgekni cheklesh ijrasini kucheytish, jawabkar emeldarlarni surushturush tedbirlirini kengeytish, uyghur musapirliri we panahliq tiliguchilerni qoghdash, shundaqla hechqandaq teminlesh zenjirining dawamlishiwatqan jinayetler bilen baghlinip qalmasliqigha kapaletlik qilish qatarliqlarni oz ichige alidu.
