uyghur hoquqini qoghdash teshkilati «uyghur herikiti»ning (Campaign for Uyghurs) tor bekitige teqlid qilip yasalghan saxta tor beket pash qilindi. yalghan uchur tarqitish arqiliq teshkilatning paaliyetlirige buzghunchiliq qilishni meqset qilghan bu heriketni tor bixeterliki mutexessisliri uyghur aktiplirigha qaritilghan sistemiliq besimning bir qismi, dep bahalimaqta.
uyghur hoquqini qoghdash teshkilati «uyghur herikiti»ning tor bekiti kimliki namelum kishiler teripidin teqlid qilip yasaldi. bu ehwal uyghur xelqining hoquq-menpeetini qoghdash xizmetlirini nishan qilghan yalghan uchur tarqitish xewpi we tor bixeterliki mesilisige bolghan endishini teximu kucheytiwetti.
saxta tor beketning tepsilati we gherizi
«uyghur herikiti» teshkilatining ashkarilishiche, campaignforuyghursorg.com namliq saxta tor beket teshkilatning resmiy tor bekiti bolghan campaignforuyghurs.org bilen tashqi korunush jehettin putunley oxshash qilip layihelengen. uningda teshkilatning muxbirlarni kutuwelish materiyalliri we xizmet doklatliri eynen kochurulgen bolsimu, lekin saxta tor beketke kirguzulgen bezi uchurlarning teshkilat teripidin elan qilinmighanliqi we testiqlanmighanliqi eniqlanghan.
bu qilmishning asasliq meqsiti ammini qaymuqturush we teshkilatning qollighuchiliri arisida arisaldiliq peyda qilishtur. saxta tor nami(domain) 2025-yili iyulda tizimgha aldurulghan bolup, «uyghurs» bilen «org» sozliri arisidiki chekitni chiqiriwetish arqiliq, kishilerni imla xataliqi tuziqigha chushurush (typosquatting) texnikisi qollinilghan. bu arqiliq, ishletkuchiler resmiy tor beketke kirmekchi bolghanda asanla saxta adresqa yotkilip ketidu.
bu ehwal yene «uyghur herikiti» teshkilatining qurghuchisi roshen abbas xanimning eslime kitabi elan qilinip uzun otmeyla yuz berdi. kitabning saxta nusxiliriningmu internet dunyasida peyda bolushi, jemiyette qaymuqturush peyda qilish we heqliq hoquq qoghdash paaliyetlirining tesirini ajizlitishqa urunush jeryanining pilanliq ikenlikini korsitip bermekte.
tor bixeterlik xewpi we reqemlik kuresh
bu xil saxta tor namliri kilassik imla tuziqining tipik misali bolup, hujumchilar bu wasite arqiliq shexsiy uchurlarni oghrilash, iane pullarni xata yolgha bashlash, ziyanliq yumshaq detallarni tarqitish yaki aktiplargha qarita jasusluq xarakterlik uchur toplash meqsitige yetmekchi bolidu. reqemlik hoquq tetqiqatchiliri uyghur teshkilatliri we muhajirettiki uyghur jemiyetlirige qaritilghan mushuninggha oxshash taktikilarning ilgirimu kop qetim pilanlanghanliqini tekitlimekte.
roshen abbas bu ehwalning uyushqan bir heriket ikenlikini eskertip mundaq dedi: «bu xelqni aldash we bizning xizmetlirimizge sistemiliq buzghunchiliq qilish uchun elip berilghan bir tutash pilanning bir qismidur. biz bu xil suyiistemallargha qarita barliq zorur tedbirlerni qollinimiz we xitay hakimiyitining jinayetlirini ashkarilashni qetiy dawamlashturimiz.»
«uyghur herikiti» teshkilati saxta tor beketni alaqidar qanun ijra qilish organlirigha melum qilghanliqini, shundaqla ammini barliq uchur-alaqilerni peqet resmiy qanallar arqiliqla surushturushke we delilleshke chaqiridighanliqini uqturdi. teshkilatning delillengen birdinbir resmiy tor beket adresi: https://campaignforuyghurs.org.
