washington | 2026-yili 12-may: amerika edliye ministirliqi 11-may kaliforniye ishtati alkadiya (Arcadia) shehirining bashliqi eylin wang (Eileen Wang) ustidin federatsiye sotigha erz sunghanliqini elan qildi. 58 yashliq eylin wang amerika dairilirige tizimlatmay turup, xitay hokumitining korsetmisi bilen siyasiy teshwiqat elip barghan dep eyiblenmekte.
jinayitini tonush we istepa
edliye ministirliqining bildurushiche, gumandar wang jinayitini boynigha elip, teptish terep bilen «jinayetni etirap kelishimi» (Plea Deal) hasil qilghan. shu kuni u sheher bashliqliq wezipisidin istepa bergen. federatsiye tekshurush idarisi (FBI) ning tekshurush doklatida korsitilishiche, wang 2020-yilining axiridin 2022-yilighiche bolghan ariliqta, «chet el wakaletchisi» supitide tizimlatmay turup xitay hokumitining korsetmisi bilen heriket qilghan.
eyiblesh mezmuni
erznamide qeyt qilinishiche, gumandar wang yerliktiki xitay neslidin bolghan amerikiliqlargha qaritilghan tor beketni bashqurush jeryanida, xitay hokumitining siyasiy teshwiqatini tarqatqan. jumlidin, uyghur rayonida irqiy qirghinchiliq we paxta teriqchiliqidiki mejburiy emgekning mewjutluqini ret qilidighan mezmunlarni elan qilghan. eger jinayiti toluq bekitilse, u 10 yilliq qamaq jazasigha hokum qilinishi mumkin.
edliye dairilirining inkasi
amerika edliye ministirining dolet bixeterlik ishlirigha mesul yardemchisi ayzenberg (Eisenberg) bu heqte bayanat berip mundaq dedi: «xitay hokumitining korsetmisi bilen heriket qilghan bir kishining amerikada ammiwi wezipe otigenliki kishini intayin ensiritidighan bir ehwal. bolupmu uning chet el hokumiti bilen bolghan munasiwitining yoshurun tutulushi mesilining eghirliqini teximu ashuridu.»
eylin wang 2022-yili 11-ayda alkadiya sheherlik kengesh ezaliqigha saylanghan bolup, mezkur sheherde sheher bashliqliq wezipisini kengesh ezaliri nowet bilen oteytti. melumatlargha qarighanda, alkadiya shehiri ahalisining texminen %60 ni asiyaliqlar (xitaylar) teshkil qilidu.
