istanbul, 2026-yili 13-iyul — dunyaning her qaysi jayliridin kelgen uyghur diniy alimliri, olimalar we ziyaliylarning qatnishishi bilen qurulghan, turkiyening istanbul shehirige jaylashqan sherqiy turkistan olimalar birlikining 12-qetimliq shura yighini 12-iyul yekshenbe kuni muweppeqiyetlik axirlashti.

mezkur teshkilatning bildurushiche, teshkilatning 65 neper ezasi ishtirak qilghan yighinining birinchi kunide, olimalar birlikining otken uch yil ichide qilghan xizmetliri heqqide omumiy doklat berip otuldi. 3 yilliq xizmet doklatidin keyin, otken uch yildin beri birlikning reislik wezipisini otep keliwatqan d. alimjan bughda bashchiliqidiki ijraiye heyiti istipa berdi. arqidin qurulghan 3 kishilik saylam komitetining bashqurushida elip berilghan saylamda, eng kop awazgha erishken d. alimjan bughda tekrar sherqiy turkistan olimalar birlikining reislikige saylandi.

yengi rehberlik heyiti we bolumlerning pilanliri

saylamdin keyin, birlik reisi, ikki muawin reis we bolum mesulliridin teshkillengen yengi rehberlik heyiti qurup chiqildi. ikki kunluk yighin jeryanida petiwa, dewet we irshad, tashqi we ichki alaqe, terjime-tetqiqat, xelq bilen munasiwet hemde maliye bolumliri ayrim-ayrim guruppilargha bolunup, xizmet unumini teximu yuqiri sewiyege koturush mesiliside qizghin muzakire elip bardi we aldimizdiki yillarda qilinidighan xizmet pilanlirini bekitti.

kelgusi xizmet nishanliri

sherqiy turkistan olimalar birlikining bayanatida bildurulushiche, yighinda birlikning ehmiyiti, olimalar bilen teshkilatlarning munasiwiti, sherqiy turkistan dewasida we jemiyette olimalarning oynaydighan roli qatarliq muhim mesililer muzakire qilinghan. yuqiridiki muzakirilerge asasen, olimalar birliki aldimizdiki yilda towendiki 8 turluk xizmetni royapqa chiqirish qararini alghan:

• milliy we diniy kimlikni qoghdash: sherqiy turkistan xelqining, bolupmu muhajirettiki xelqning etiqadi, exlaq-peziletliri, milliy orp-adetlirini qoghdash we uyghur jemiyitining islahati uchun teximu tirishchanliq korsitish.

• xelqaraliq dewet xizmiti: sherqiy turkistan dewasini ereb we islam dunyasida teximu janlandurush uchun yengi teshkilat we dolet erbabliri bilen alaqe ornitish.

• teshkilatlar ara munasiwet: turkiye ichi we sirtidiki barliq sherqiy turkistan teshkilatliri hemde dewa uchun aktip xizmet qiliwatqan kishiler bilen bolghan munasiwetni kucheytish.

• akademik we oqushluq xizmetliri: xelqning diniy ehtiyajigha asasen tetqiqatlarni elip berish, kitab-Jurnal we un-sin buyumlirini teyyarlash, osmurler uchun islamiy oqushluqlarni tuzup chiqish.

• oqughuchilarni qollash: ilahiyet saheside oquwatqan uyghur oqughuchilargha qaritilghan xizmetlerni janlandurush we qerellik ilmiy muhakime yighinlirini dawamlashturush.

• petiwa xizmetliri: olimalar birliki petiwa bolumining nowettiki xizmetlirini teximu janlandurup ilgiri surush.

• yashlar we idiywi xizmet: yashlarning her xil batil pikir we eqimlargha mayil bolup ketishining aldini elish uchun, ulargha mas kelidighan dewet we teshwiqat xizmetlirini kucheytish.

• xelq bilen bolghan alaqe: xelq bilen munasiwet bolumining xizmitini teximu sistemiliq haletke kelturup, amma bilen bolghan rishtini chingitish.

bayanatning axirida, birlik rehberliki kelgusidiki xizmetlerning utuqluq bolushini tilep, xelq uchun teximu kop xizmetlerni royapqa chiqirishqa muweppeq bolush uchun dua we yaxshi tilekler bilen yighinni xulasiligen.