turkistan waqt tori, 2026-yili 7-awghust: seudi erebistanning mekke shehiridiki sefa sariyi islam dunyasining herbiy we siyasiy jehettin eng kuchluk uch dolitini bir yerge jem qilghan tarixiy bir yuqiri derijilik uchrishishqa sahibxanliq qildi. turkiye jumhuriyiti reisi rejep tayyip erdoghan, seudi erebistan weliehdi shahzade muhemmet bin selman we pakistan bash weziri shehbaz sherip mekkide elip berilghan resmiy sohbetlerdin keyin, uch dolet otturisidiki herbiy hemkarliq we istrategiyelik sheriklikni eng yuqiri sewiyege koturidighan «mekke ortaq mudapie kelishimi»ge resmiy imza qoydi.
anadolu agentliqining xewer qilishiche, turkiye pirezidenti axbarat ishxanisi teripidin elan qilinghan ortaq bayanatta, bu kelishimning uch dolet otturisidiki chongqur tarixiy rishtiler, qerindashliq munasiwetliri we islamiy hemkarliq rohi asasida shekillengenliki bilduruldi. kelishimdiki eng muhim maddilarning biri bolghan ortaq mudapie prinsipigha asasen; seudi erebistan, turkiye yaki pakistandin herqandaq birige qilinghan qoralliq hujum uch doletning hemmisige qilinghan hujum dep hesablinidu. herqandaq tajawuzchiliq heriketlirige qarshi ortaq tosush kuchini ashurushni nishanlighan bu kelishim, uzundin buyan elip beriliwatqan diplomatiyelik muzakirilerning we rayonluq mesuliyetni oz ustige elish prinsipining aliy netijisi supitide bahalanmaqta.
yene bir tereptin, tarixiy imza murasimidin keyin seudi erebistanda diplomatiyelik munasiwetlerning belgisi bolghan bir qatar paaliyetler otkuzulgen. igilinishiche, seudi erebistan resmiy xewer agentliqi SPA da elan qilinghan xewerlerde, doletning asasliq sheherliridiki egiz binalar we simwolluq binalarda turkiye, seudi erebistan we pakistanning dolet bayraqlirining rengliri bilen yorutulghanliqi ashkarilandi. bu tebriklesh korunushliri uch dolet otturisidiki zich alaqe we ortaq istrategiyelik menpeetlerni gewdilendurush uchun elip berilghan.
igilinishche, mekke ortaq mudapie kelishimi ortaq bixeterlik qurulmisi, mesuliyetni teng teqsim qilish we kunseri eshiwatqan xelqaraliq xeterlerge qarshi bir gewde bolup heriket qilish chushenchisini oz ichige alidu. uch doletning mudapie sanaiti, herbiy terbiyelesh, axbarat almashturush we arqa sep teminati alaqilirini chongqurlashturushni meqset qilghan bu kelishim, rayonluq muqimliqni qoghdash yolida besilghan keng kolemlik bir qedem supitide bekitildi.
