tayland dairiliri 20- noyabir kechide tutup turush ornidin qechip ketken 20 uyghurning malaysiygha otup ketkenlikini we ozlirining malaysiya terep bilen alaqilishiwatqanliqini bildurdi.
taylandning muawin bash ministiri prawit wongsuwan, qechip ketkenlerdin besh kishining tutulghanliqini, qalghanlirining chegridin otup malaysiyagha kirip ketkenlikini eytti. u nowette malaysiya terep bilen ularni otkuzup berish heqqide alaqilishiwatqanliqini bildurdi.
u nowette 100 bilen 200 ariliqida uyghurning taylandta tutup turuluwatqanliqini eytti.
general prawit wongsuwan bugun(21- noyabir) heptilik ichki kabinit yighinigha qatnashqandin keyin taratqulargha yuqarqi uchurlarni ashkarilidi.
u, taylandtta tutup turuluwatqan uyghurlarning kelgen dolitige, toghulghan dolitige yaki uchinchi bir doletke qayturulidighanliqini bildurdi.
u mundaq degen: «biz uyghurlarning bezilirini xitaygha qayturup berduq, chunki ularning xitayda toghulghanliqi eniqlandi we ularning u yerde jinayet otkuzgenliki yetkuzuldi, shuning uchun xitaygha qayturduq.»
«bir qisim uyghur ayallar we balilarni uchinchi doletke ewettuq, chunki ularning jinayet otkuzgenlik xatirisi yoq idi.»
uning eytishiche, 20 uyghur qechishtin burun dairiler ularni bangkokka yotkeshni pilanlighan.
shuning bilen birge, musapirlarni tutup turush merkizining sekkiz neper xadimi nowette wezipisidin elinip tekshurulmekte iken.
tayland dairiliri malaysiya bilen bolghan chegra rayonliridiki tekshurushni kucheytken.
xitay taylandni qechip ketken uyghurlarni tezraq tutushqa chaqirdi
xitay tashqi ishlar ministirliqining bayanatchisi lukang, xitayning mehbuslarning qechish mesiliside tayland bilen bolghan hemkarliqini dawamliq kucheytidighanliqini hemde weziyetni yeqindin kozitidighanliqini eytti.
u yene, xitayning tayland dairilirini «qechip ketkenlerni tezdin qanun torigha chushurushke» chaqirghanliqini bildurdi.
bundin burun xitaygha qayturulghan uyghurlarning ten jazasigha uchrighanliqi we tayland hokumitiningmu bu seweblik tenqidke uchrighanliqi metbuatlarning bu heqtiki xewerliride orun almaqta.
