дунйавий кийим-кечәк маркиси найк хитайниң уйғурларни мәҗбурий әмгәккә селиши һәққидә байанат илан қилип, райондин мәһсулат алмайдиғанлиқини, тәминлигүчилириниңму мәҗбурий әмгәккә четишлиқ йаки әмәсликини баһалап туридиғанлиқини билдүрди.
байанатниң тәрҗимиси төвәндикичә:
найк әхлақ вә мәсулийәтчан йасимичилиққа әһмийәт бериду, биз хәлқара әмгәк өлчимини қоғдаймиз. биз шинҗаң уйғур аптоном райони (ш у а р) дики мәҗбурий әмгәк вә униңға алақидар доклатларға көңүл бөлимиз. найк ш у а р да мәһсулат ишләпчиқармайду, биз тохтам түзгән тәминлигүчиләр билән уларниң райондин чиққан тоқумичилиқ йаки йип егир ишләтмәйдиғанлиқини җәзмләштүрдуқ.
найкниң һәрикәт мизани вә рәһбәрлик өлчимидә һәр хил қамаш, мәҗбурлаш, қул қилиш йаки әмгәккә селишни чәкләйдиған тәләпләр бар, булар һәрикәт әркинлики вә миллий арқа көрүнүш йаки динни асас қилған кәмситишни чәкләшни өз ичигә алиду. биз давамлиқ барлиқ тәминлигүчиләр билән алақилишип, найкниң һәрикәт мизани вә рәһбәрлик өлчимигә әмәл қилидиғанлиқини баһалаймиз.
биз изчил хитайдики тәминлигүчиләр билән уйғурлар вә йаки ш у а р дин кәлгән башқа аз санлиқ милләтләрниң хитайниң башқа җайлирида ишқа орунлишишиға мунасивәтлик мәҗбурий әмгәк хәвипини ениқлаш вә баһалаш үчүн давамлиқ тиришиватимиз. биз үзлүксиз йеңилиниватқан учурларға асасән иқтисадий тәптиш келишимнамимизни күчәйтип, әмгәк күчи йөткәш пиланиға мунасивәтлик йеңидин пәйда болған хәтәрләрни ениқлидуқ. бизниң давамлишиватқан тиришчанлиқимиз тәминләш зәнҗиримизниң башқа җайлирида уйғур йаки ш у а р дин кәлгән башқа аз санлиқ милләтләрниң ишқа орунлашқанлиқиға аит пакит тапалмиди.
найкниң хавйүәнпең кийим-кечәк ишләпчиқириш завути, чиңдав җифа горуһи, санҗи йида тоқумичилиқ санаити йаки мәзкур ширкәтниң башқа әслиһәлири билән мунасивити йоқ, бу авистиралийә истратегийилик сийасәт тәтқиқат орниниң доклатида тоғра хәвәр қилинмған. тәйкваң горуһиға кәлсәк, 2019-йили ш у а р дики әһваллар тоғрисидики хәвәрләр ашкарлинишқа башлиғанда, тәйкваң ш у а р дин чиңдавдики әслиһәлиригә йеңи хизмәтчи қобул қилишни тохтатти вә мустәқил үчинчи тәрәп иқтисадий тәптиш оргини бу әслиһәдә ш у а р дин кәлгән хизмәтчи йоқлиқини дәлиллиди. бизниң давамлишиватқан тиришчанлиқимиз хитайдики тәминләш зәнҗиримизниң башқа җайлирида уйғурларни йаки ш у а р дин кәлгән башқа аз санлиқ милләтләрниң ишқа орунлашқанлиқиға аит пакит тапалмиди.
найк пахта йаки башқа хам материйалларни биваситә мәнбә қилмисиму, хам әшйа сәвийисидики из қоғлаш изчил диққәтни тартидиған саһә. биз тәминлигүчиләр, кәсипий җәмийити, марка вә башқа алақидар тәрәпләр билән йеқиндин һәмкарлишип, из қоғлаш усули вә хәритә материйал мәнбәсини синақ қилимиз, шуңа мәһсулатлиримиздики материйалларниң мәсулийәтчан ишләпчиқирилғанлиқиға ишәнч қилалаймиз.
найк мәҗбурий әмгәккә мунасивәтлик һәр қандақ доклатқа интайин әстайидил муамилә қилиду, биз көп тәрәплик хизмәт гуруппилири билән алақилишип, йәр шари тәминләш зәнҗириниң мукәммәлликини қоғдашқа йардәм беридиған колликтип һәл қилиш чарисини баһалидуқ. биз тәдбир бәлгилигүчиләрниң тәлипигә асасән, кишилик һоқуқ вә тәминләш зәнҗириниң пүтүнлүкини өз ичигә алған бир қатар аммиви сийасәт мәсилилири һәққидә даим чүшәнчә вә пикир билән тәминләймиз һәмдә уйғур мәҗбурий әмгикиниң алдини елиш қануниға йаки башқа оттуриға қойулған мәҗбурийәт әмгикигә алақидар қанунларға қарши лобичилиқ қилмаймиз. биз парчә сетиш кәспи рәһбәрлири җәмийити, америка кийим-кечәк вә айағ кийим-кечәк җәмийити, дөләтлик парчә сетиш бирләшмиси вә америка мода санаәт җәмийити қатарлиқ кәсип җәмийәтлири шундақла кәсип мутәхәссислири, шерикләр, мәнпәәтдарлар вә башқа тәшкилатлар билән давамлиқ һәмкарлишип, бу һалқилиқ дунйа мәсилисини чүшинимиз, баһалаймиз вә һәл қилимиз.
дилшат султан
2021- йили 24- март
https://purpose.nike.com/statement-on-xinjiang
