пәйғәмбәр әләйһиссаламниң һайатидики күрүшкә қарайдиған болсақ, бурунқи пәйғәмбәрләрниңкидин пәрқлиқ бир җәрйанни көримиз. бурунқи пәйғәмбәрләр болса топан, боран, шиддәтлик аваз, деңизда ғәрқ болуш тәк илаһи йардәмгә наил болған, йаки сулайман әләйһиссаламдәк катта күч қуввәт берилгән вә йаки дунйада ғәлибә йүзини көрүш несип болмай өткән, һәтта йәһйа вә зәкәрийа әләйһиссаламға охшаш өлтүрүлгән, әйса әләйһиссаламға охшаш асманға елип чикитилгән.

 

лекин пәйғәмберимизниң күрәш һайати йуқиридикләрниң һечқайсисиға охшимайдиған болуп, таки қийамәткичә тәтбиқлаш имканийити бар күрәш җәрйанидур.

 

пәйғәмбәр әләйһиссалам дә‍ветини нөлдин башлиған. дәсләп йушурун, әтрапидикиләр биләнла, андин тағисиниң нопози һемайисидә елип барған, андин өзигә әгәшкәнләрдин бир қисмини һәбәшистанға әвәтивәткән, андин таиф каттилирини дәвәт қилған, у йәрдин қайтип қурәйш каттилиридин мутим ибни әдийниң һемайисигә киргән, андин һәр һәҗ мәвсимидә кәлгән қәбилиләрни дә‍вәт қилған, исламни тонуштурған, улардин йардәмчи күч истигән. униңдин кейин биринҗи әқәбә бәйити, кейин иккинчи бәйәт болуп пәйғәмбәр әләйһсиссаламниң мустәһкәм тайанчи шәкилләнгән. андин мәдинигә һиҗрәт қилип у йәрдә ислам җәмийити вә дөләт қуруп, һәрби күч тәшкиллигә. арқидин тәрәп - тәрәпкә кичик қошунларни әвәткән. андин бәдри ғазитида дәвәт дүшмәнлириниң каттилири йоқитилған, уһудта мусулманлар сәл кәткүзүп қойған болсиму, кейинки һәмра әсәдтә йәнә ғәлибә қилған. униңдин кейн хәндәк уруши башқичә бир елип берилған. кейин қарши тәрәп билән һүдәйбийә сүлһиси, йәнә хәйбәр келишми түзүлгән. ахирида аллаһ бишарәт бәргән катта фәтиһ келип, пүтүн әрәп йерим арилида ‍ислам һөкүмран болға.

.

булардин пәйғәмбәр әләйһиссаламниң нусрәт билән ахирлашқан күришиниң икки алаһидиликини көримиз :

 

1 : бәзиләр тәсәввур қилидиғандәк ғәлибә хийали олтурғанда, туйуқсизла асмандин чүшүп қалидиған вә йаки ишниң башлинишила қолға келидиған нәрсә әмәс, бәлки әгри көрсәткүч сизиқ гиби аздин көпкә, төвәндин йуқуриға өрлигән җуғланма һәркәтниң нәтиҗисидин ибарәт. бу җәрйанда күч тәңпуңлиқи бара -бара ешип, ахирида мусулманлар тәрәптә болған. йәни пәйғәмбәр әләйһиссалам баш болған мусулманлар җәмийити йилдин - йилға, болупму һиҗрәттин кейин күчийип маңған, һәр бир басқучта пәйғәмбәр әләйһиссаламниң ишлитидиған козир, васитилири вә таллаш имканийәтлири көпәйгән. дүшмәнниң болса әксичә азайған. ахирида катта фәтиһ мушу җәрйанниң әң йуқури чоққиси вә түгүнчси болған.

 

2 : бу җәрйан һуд ‍әләйһиссалам вә йаки лут вә салиһ әләйһиссалам қәвмлиригә охшаш аллаһтин бивастә һалак қилидиған қаттиқ аваз вә йаки топан вә йаки асмандин йағқан таш җазалири билән хуласиләнгән әмәс. бәлки пәйғәмбәр әләйһиссалам вә саһабилири һәркәт қилған, иш қилған. ахирида аллаһниң җазаси дүшмәнни қоршап ғәлибә қилған он миң мусулман қошун шәклидә тәҗәлли болған.

 

әлвәттә илаһи йардәмму һәрдаим мусулманлар тәрәптә иди, лекин земин әһли болған мусулманларниң һәркәт қилиши вә мадди тәййарлиқ алдинқи шәрт иди. бу шәрт һазирла болидикән илаһи йардәмму һазир иди.

 

«өз вақтида (дуа қилип) пәрвәрдигариңлардин йардәм тилидиңлар, аллаһ :«силәргә арқиму ـ арқа (чүшидиған) миң пәриштә билән йардәм беримән» дәп дуайиңларни иҗабәт қилди[9]». (әнфал)

 

икки миң пәриштилик йардәм .. қачан? .. бәдридә қуралсиз карван әмәс бәлки қураллиқ қошунға қарши атланғениңларда.

 

нәтиҗә : аллаһ силәргә қилған (дүшминиңларға қарши нусрәт ата қилиштин ибарәт) вәдисидә турди;

 

«аллаһниң изни билән уларни қиривататтиңлар[152]». (ал имран)

 

силәр қиливататтиңлар-- аллаһ нусрәт вәдисидә турди

 

« уларға уруш ечиңлар, аллаһ уларни силәрниң қолуңлар билән җазалайду[14]» (тәвбә)

 

силәр силәр урушуңлар -- аллаһ уларни җазалайду

 

«аллаһ (илаһлиқи) һәққидә һечбир дәлил чүшүрмигән нәрсиләрни (йәни бутларни) аллаһқа шерик қилғанлиқлири үчүн, капирларниң диллириға қорқунч салимиз[151]». (ал имран)

 

(қилич билән капирларниң) гәдәнлиригә чепиңлар (йәни башлирини кесиңлар), уларниң бармақлириға (һәммә әзасиға) чепиңлар[12]. (әнфал)

 

йәнә силәр (қилич билән капирларниң) гәдәнлиригә чепиңлар – биз капирларниң диллириға қорқунч салимиз

 

«азаб уларниң һойлисиға чүшкән чағда, агаһландурулғучиларниң әтигини немидегән йаман![177]». (саффат)

 

мана бу аллаһ әң катта мәртивилик пәйғәмберигә таллиған һәм йардәм бәргән йол. буниңдики һекмәт ашкарә турупту .

 

«әгәр аллаһ халиса әлвәттә (силәрни урушқа тәклип қилмастинла) уларни җазалиған болатти, лекин аллаһ бәзиңларни бәзиңлар билән синаш үчүн (йәни иманиңларни синаш үчүн җиһадқа әмр қилди), аллаһниң йолида өлтүрүлгәнләрниң (йәни шеһитләрниң) әмәллирини аллаһ бикар қиливәтмәйду[4]». (муһәммәд)

 

әгәр биз бу йәрдики синақни пәқәт капирларниң әзийәтлиригә бәрдашлиқ бериш дәпла қарисақ хаталишимз, синақ йәнә зулумни, харлиқни йоқитиш үчүн күчимиз йәткән һәрқандақ йоллуқ вастини қоллинип, дүшмәнгә тақабил туруш, зәрбә бериш, һалсиритиш вә униң мәнәпәтлиригә тәһдит йәткүзүшниму өз ичигә алиду.

 

аллаһниң нусретиниң вақти кәлмигәнликидики һекмәт билән мәсулийитимизни ада қилмиғанлиқтин нусрәт кәлмәсиликини арилаштуривәтмәсликимиз керәк.

 

аллаһниң нусрити биз тәййар әмәсликимиздин кәлмәйду; вақти саити болмиғанлиқдин кәлмәйду; капирларни техиму һәддидин ешип, техиму қаттиқ азабқа дучар болиши үчүн кәлмәйду; қанунийәтлири әмәлийләшмигәнлики үчүн кәлмәйду . булар алдинқи нуқтидики һекмәтләр.

 

кейинки нуқта болса биз имкан йәткәнчә ада қилишқа буйрулған тәййарлиқни қилмиғанлиқимиздиндур. нусрәт йуқарда дейилгәндәк аз - аздин башлап күчийип, күч мувазинитини өзимизгә ағдуруп, йетәрлик вастә вә сәвәпләрни қоллинип, дүшмәнгә һәр тәрәптин һуҗум қилип зәиплитип, һалсиритип ахири һелиқи йуқури пәллидики нуқтиға йәтмигәнликимиздин кечикиду.

 

нусрәт бешимизниң үстидила қарап туриду, лекин биз наил болуш үчүн аллаһ бикиткән қанунийәтләр бойинчә иш қилғанда андин назил болиду.

 

йуқардики нуқтиларни нәзәрдин сақит қилсақ, ишимизда алдиға әмәс арқиға маңимиз. дүшмән техиму күчийип бизгә әҗәллик зәрбә беривериду.

 

бүгүнки һамас башчилиқидики пәләстин қаршилиқ көрситиш күчлири(муҗаһидлар) бу җәрйанни тоғра бесип өткән дейишкә болиду.

 

80 – йиллардики таш етиштин башлинип, 2000 ниң башлирида 3 километир мәнзиллик қәссам бомбиси, андин 9-12 к лиқ қәссам 2 бомбиси, андин16к лиқ қәссам 3 таки һазирқи 250к узақ мәнзиллик әййаш башқурилидиған бомибиси муҗаһидлар ғәззәдә туруп исраилийәниң хәлқаралиқ айридурумиға берип уларниң хәлқаралиқ учушлирини паләч һалға чүшүиридиған , пайтәхт тел авивлиқларни йәр аста қоғдиниш йәрлиригә қамал қилидиған болди.

 

бу җәрйанда аллаһ нурғун шәһитләрни һузуриға алди, залим вәһшиликтә техиму әзвәйлиди. муҗаһидларму асмандин токкидә чүшидиған нусрәт күтүп йатмиди. бәлки кейинки җәрйан үчүн нәччә йүз километрға созулған йәрасти түнәл шәһири, өзигә хас ички алақә телифун системи, өзигә хас кичик типтики дронлар, дүшмән земининиң қәйиригә болсун тәһдит салидиған бомбилар, зәрбә йемәс танкилирини пачақлиған RBG ләрни йасап чиқти.

 

дүшмән тайинип кәлгән һүркүтүш тәңпуңлиқи бузулди(йәни дүшмән үзиниң йүксәк техника вә қурал күчини ишләтмәйму қарши тәрәпкә қорқу селип, һәрқандақ қаршилиқ көрситиштин йандуруш), муҗаһидларниң һуҗумлири дүшмәнгә еғир иқтсади чиқим пәйда қилди, муҗаһидларниң бир қанчә йүз доларлиқ бомбилири үчүн бир таниси 62 миң доларлиқ тосиғучи бомба қоллинилди. мана буларни дүшмән 14 йилдин бери һәр тәрәптин муһасиригә еливалған хәлқ қилалиди.

буниңға қошулуп йиллардин бери тәҗребә егәллигән сийаси қанатму актип рол ойнап, һәр тоқунуш ахирида сийаси утуққа еришти. һәр тоқунушта дүшмән техиму зәиф һалға чүшти.

 

халид хәттаб - мәхсум тәрҗемиси

 

әмди бизниң шәрқи түркистан һалитигә кәлсәк, һазирқи заманға мунасип һалда күрәш һәм қураллиқ һәм сийаси мәйданда тәң болиду, лекин бизниң бу икки қанат бәзи бир -биригә қарши тәрәпкә қеқип, бир- бири билән маслишалмай, һәтта йатлишип, чәткә қеқип дегәндәк келиватиду.(әлвәттә сийаси қанатниң ичидиму шәрқи түркистан али нишаниға йат еқим горуппиларму қистурувалди). биз авур җәрйанни тоғра йүргүзүш үчүн әвәл мушу икки қанатниң түзлинидиған йәрлирини түзләп, соқунуп киривалғанларни йоқутуп, андин давам қилиш керәкму қандақ?