җой байдин ши җинпиңни " диктатор" дийишни тәкрарлаватиду, әмма бу, икки дөләт мунасивитигә тәсир қилғини йоқ, чүнки, " диктатор" дегән бу сүпәт ши җинпиңниң тәбиитидики вәһшийликини толуқ ипадилимәйла қалмастин, йәнә җинайәтлиригә мәлум дәриҗидә қанат йапиду.

......

диктатор дегән бу сөзниң келип чиқиш вә истимал тарихиға қарисақ, униң иҗабий мәнидә ишлитилгән дәвр вә мисаллириму бар. мәсилән рим дәврдики генирал җулис сезар вә өткән әсирдики түрк рәһбәр мусатапа камал. булар сөйүлгән вә һөрмәткә сазавәр болған диктаторлардур. ...

..............

җой байдинниң байанидики ши җинпиң сәлби диктаор әмәс, иҗабий диктатордур. биз бу нуқтини униң ши җинпиң билән достлуқини тилға алғандики иптихарлиқ туйғуси вә көрүшкәндики бәдән тилидин ениқ көрәләймиз. мәсилән, өткән йили г ‏-20 йиғинида көрүшкәндә алдиған йүгүрүп беришлири, униң харәктирини тәсвирлигәндә " бәк әқиллиқ" , " миҗәзи кәскин" , " гепи очуқ" дийишлири, ши җинпиңға қарита әнә шу муһәббәт вә һөрмәттин башқа нәрсә әмәс.. америкидәк демокиратик вә қудрәтлик бир дөләтниң рәһбири өзи диктатор дәп қариған биравға шунчивала мәдһийә оқуйалайду? чүнки җой байдин хитайни америкиға дүшмән дәп әмәс, риқабәтчи дәп қариғинидәк, ши җинпиңниму хитай хәлқи үчүн керәклик, дунйа вә америкиға тәһдити болмиған бирси дәп тонуйду.

.................

унтулмаслиқи керәкки, , қатиллар "қатил" дегән бу намдин номус қилғини үчүн әмәс, җазалинип қелиш еһтималидин қорққини үчүн өзини тартиду. шуңа ши җинпиң "диктатор" дегән намдин пәхирлиниду, чүнки бундақ аталғанда , күч-қудрити етирап қилинған болиду, ирқий қирғинчилиқ җинайитигә көз йумулған болиду. хитай ташқи ишлар байанатчисиниң" диктатор" дегән намға қарита чалвақашлири, өзлирини мәдәнийәт җәһәттә әл қатари көрситиш үчүн ойнаватқан дипломатик ролдур, халас.

 

хош җой байдин бу нуқтини билмәмду? обдан билиду. чүнки, тәхмин қилалаймизки, ши җинпиң билән достлуқ мунасивти җәрйанида биллә өткүзгән 200 нәччә саәт җәрйанида, униң бу сөздин һақарәт һес қилмайдиғанлиқиға шаһит болған.

 

җой байдин бу йәрдә, ши җинпиңни " диктаор" дийиш арқилиқ өзини америка хәлқиғә хитайға қарши қаттиқ мәйданда турған қилип көрсәтсә, астриттин, ши җинпиңниң көңлини еливатиду, униңға хошамәт қиливатиду.

әмәлийәт шу ки, ши җинпиң диктаторла әмәс, мустәмликә зимин шәрқи түркистанда уйғур қирғинчилиқини садир қиливатқан қанхордур вә қатилдур. 

 

(әскәртиш: мәзкур жорнал америкики конзерватипларниң пикир соринидур. аптор өзиниң америка вәтәндашлиқидин пайдилинип, мақалисиниң бир қсимида презндтини қаттиқрақ тәләппузда тәнқид қилған; әмма көп қисмида шиҗинипиң әпсаниләрдики нәмруттин йеқинқи нурсултан назарбайевға қәдәр барлиқ залим, қатил вә диктаторлар билән селиштурулуп, униң булардин һичбиригә охшимайидған қувлуқ вә вәһшийлик тәрәплири шәрһиләнгән)