1990-йили 5-апрел йүз бәргән барин қирғинчилиқиниң 34 йиллиқини, шеһитләрни хатириләш һәмдә хитайниң шәрқий түркистанда давам қиливатқан ирқий қирғинчилиқ җинайитини, мубарәк рамизан ейида шәрқий түркистан хәлқиниң роза тутушини чәкләш җинайәтлирини күнтәртипкә кәлтүрүш үчүн, истанбулдики хитай баш консулханиси алдида «баринни унтумаймиз, роза тутуштин ваз кәчмәймиз» темисда намайиш һәмдә ахбарат елан қилиш йиғилиши өткүзүлди.

хәлқара шәрқий түркистан тәшкилатлар бирликиниң тәшкиллиши билән өткүзүлгән намайиш вә ахбарат елан қилиш йиғилишида алди билән бирлик рәиси һидайәтуллаһ оғузхан байанат оқуп өтти. байанатта бүгүн хатирилиниватқан барин қәтлиаминиң 1990-йили 5-апрел рамизан ейида, шәрқий түркистанниң ақту наһийәси барин йезисида йүз бәргәнлики һәққидә қисқичә чүшәндүрүш берилди. арқидин барин қәтлиаминиң хитайниң районда иҗра қиливатқан мәҗбурий туғут чәкләш қатарлиқ қилмишлириға қарши қозғалған хәлқ қозғилиңи икәнлики, буниңдин җиддийләшкән хитай таҗавузчилириниң хәлқни қаттиқ бастурғанлиқи, зәйдин йүсүп башчилиқидики йашларниң хитайниң ирқий қирғинчилиқ җинайитигә қарши қозғалғанлиқи, хитайниң буни баһанә қилип чоң-кичик демәстин хәлқни қирғин қилғанлиқи, нәччә миң йашниң тутқун қилип өлүм җазаси бәргәнлики билдүрүлди.

ахбарат елан қилиштин кейин йиғилишқа иштирак қилғанлар бирликтә иптар қилди. йиғилиш шеһитләрниң роһиға атап дуа қилиш билән айағлашти.

2024-йили 6-април