америка малийә министири җанет йеллен хитайниң җәнубидики гуаңҗу шәһиридә хитайниң иқтисадий ишларға мәсул муавин баш министири хе лифең билән көрүшкән. икки тәрәп икки күнлүк сөһбәттин кейин икки түрлүк ортақ тәшәббус йолға қойидиғанлиқини елан қилған.

 

америка малийә министирлиқиниң байанатида көрситилишичә, икки дөләт әмәлдарлири америка вә хитай оттурисида «дөләт вә йәршари иқтисадиниң тәңпуң ешиши үчүн деалог» вә «қара пулға қарши һәмкарлиқ вә диалог» намлиқ икки йеңи тәшәббусни йолға қойидиғанлиқини илан қилған.

 

игилинишичә, йелен пәйшәнбә күни гуаңҗуға йетип кәлгән. бу униң бир йилға йәтмигән вақит ичидә иккинчи қетим хитайни зийарәт қилиши. у хе лифең билән көрүшүштин бурун, айрим-айрим һалда гуаңдуң өлкисиниң башлиқи ваң вейҗоң вә америка сода вәкиллири билән көрүшкән.

 

йеллен гуаңҗуға барғандин буйан изчил америкиниң хитай билән «сағлам иқтисадий мунасивәт» орнитишқа тиришидиғанлиқини, әмма буниң үчүн «америкилиқ ишчилар вә ширкәтләрни баравәр риқабәт муһити билән тәминләш» вә «ихтилаплиқ саһәләрдә очуқ вә биваситә алақә қилиш» қа иһтийаҗлиқ икәникини тәкитлигән.

 

йеллен йәнә, хитайниң санәәт ишләпчиқиришидики нормидин ашуруветишниң америка вә башқа дөләтләрдә әндишә пәйда қилғанлиқини тәкитлигән.

җанет йәллен йәкшәнбә күни хитай баш министири ли чйаң билән көрүшкән болуп, у қийин сөһбәтләрни елип баралайдиған иқтидарниң икки чоң иқтисадий гәвдини өткән бир йил ичидә "техиму муқим асас"қа игә қилғанлиқини ейтқан.

бейҗиңда йиғин башланғанда, ли икки дөләтниң бир-бирини һөрмәт қилиши вә риқабәтчи әмәс, бәлки һәмкарлашқучи болуши керәкликини тәкитләп, йәлленниң сәпири давамида "йахши илгириләшләр"ниң болғанлиқини тилға алған.

2024-йили 7-април