түркийәдики асаслиқ өктичи партийәләрдин «ийи» партийә рәиси мәрал ақшәнәр ханим бу айниң ахирида өткүзүлидиған пәвқуладдә қурултайда кандидат болмайдиғанлиқини елан қилди.

«ийи» партийиси31-марттики сайлам нәтиҗисидин кейин қурултай өткүзүшни қарар қилған болуп, мәрал ақшәнәрниң намзат болидиған йаки болмайдиғанлиқи қизиқарлиқ нуқта болған иди. бу қетимқи йәрлик сайламда ийи партийәниң еришкән авази 2019-йилиға сеилиштурғанда бирақла чүшүп кәткән болуп, бу партийәдә сайламдин кейин бир өзгириш болидиғанлиқи муқәррәр иди. 

игилинишичә, партийә қурултийи 27-апрел өткүзүлиду.

«ийи» партийисиниң көчмәнләр сийаситигә мәсул муавин рәиси мәһмәт толга акалин, мәзкур партийәниң түркийә бүйүк милләт мәҗлисидики гурупписиниң муавин рәиси, парламент гурупписиниң рәиси корай айдин вә парламент әзаси мусават дәрвишоғлу өзлириниң рәисликкә намзатлиқини елан қилди.

у уйғурларни тонуйдиған вә уйғурлар тонуйдиған бир сийасәтчи иди. мәрал ақшәнәр ханим көп қетим уйғур паалийәтчиләрни ишханисида күтүвалған вә бир нәччә қетим түркийә парламентида уйғур мәсилисини оттуриға қойған иди.

2024-йили 8-март