һиндистанда баш министир модиниң үчинчи қетим вәзипигә олтуруш үчүн намзат болған омумий сайламниң биринчи басқучида 21 шитатта сайлиғучилар беләт ташлашқа башлиди. дунйадики нопуси әң көп демократик дөләт дәп қаралған һиндистанда, сайлам бир нәччә басқучқа бөлүп өткүзүлиду. 

игилинишичә, 19-април җүмә күни, һиндистандики йүз милйонлиған сайлиғучилар алтә һәптә давамлишидиған чоң сайламға беләт ташлашқа башлиди. 6-айниң 1-күнигичә давамлишидиған сайламда, дунйа нопусиниң% 10 тин көпрәкини тәшкил қилидиған тәхминән 970 милйон сайлиғучи кәлгүси бәш йилда вәзипә өтәш үчүн төвән палатаниң 543 әзасини сайлайду.

ройтерс агнтлиқиниң хәвәр қилишичә, җүмә күни башланған биринчи басқучлуқ сайламда, 21 шитаттики 102 сайлам районида 166 милйон сайлиғучи беләт ташлайдикән. бу һиндистанниң әң җүнубидики тамил тилида сөзлигүчиләр районидин башлап шималда һималайа тағлири билән чегрилинидиған районларғичә өз иичигә алидикән. 

һиндистан төвән палатасида 543 орун болуп, сайламда әгәр бир партийәдин 272 нәпәр парламент әзаси сайланса, башқа партийәләр билән иттипақ қурушқа иһтийаҗ қалмастин мустәқил һөкүмәт қуралайду. 

2024-йили 22-април