хитайниң җәнубидики гуаңдуң өлкисидә 1-май чаршәнбә күни бир йуқири сүрәтлик йолниң бир бөлики гөмүрүлүп чүшкән болуп, 23 машина тик қийадин чүшүп кәткән, бәзилири от алған.

пәйшәнбә күни кәчкичә, өлгәнләр сани 48 гә йәткән. даириләрниң билдүрүлүшичә, башқа үч җәсәтниң DNA тәкшүрүши давамлишиватқан болуп, бу кишиләр җәзимләштүрүлсә өлгәнләр сани 51 болидикән. даириләр 30 кишиниң һайати хәвпкә учримайдиған дәриҗидә йариланғанлиқини билдүргән.

хәвәрләрдә, бу һадисигә гуаңдуң өлкисидә бир айдин буйан йағқан қаттиқ йамғур сәвәб болған дәп көрситилгән. ташйолдики су чиқириш системисиниң йетәрлик болмаслиқи йолниң бир бөликиниң өрүлүп чүшүшини кәлтүрүп чиқарған дәп қаралған.

гуаңдуң өлкиси мейҗу шәһәрлик һөкүмәт даирилири шу йәр вақти пәйшәнбә күни чүштин кейин өткүзүлгән ахбарат илан қилиш йиғинида, йамғур вә тик қийадики тупрақ йимирилишиниң қутқузуш хизмитини қийинлаштурғанлиқини ейтқан.

2024-йили 2-май