дунйа уйғур қурултийи қурулғанлиқиниң 20 йиллиқини хатириләш паалийәтлири дунйаниң һәр қайси җайлиридин кәлгән вәкилләрниң иштираки билән 3-май германийәниң мийунхен шәһиридә башланди.
мәлум болушичә, 3-май кәчқурун башланған рәсмий хатириләш мурасимиға, 24 дөләттин кәлгән уйғур паалийәтчиләр вә тәшкилат вәкиллири билән биргә, германийә вә йавропа иттипақи парламеинтлириниң әзалири вә уйғурларни қоллап келиватқан шәхләр иштирак қилған.
д у қ иҗраийә комитетиниң рәиси өмәр қанат әпәнди ечилиш мурасимиға рийасәтчилик қилған болуп, у дунйа уйғур қурултийиниң бу хатирә күнигә кәлгән меһманларни қизғин қарши алидиғанлиқини билдүрди.
өмәр қанат әпәндиниң ечилиш нутқидин кейин, д у қ ниң сабиқ рәиси әркин алиптекин әпәнди сөзгә тәклип қилинди. у сөзидә дунйа уйғур қурултийиниң қурулуш сәвәби, җәрйани вә нишанлири һәққидә өзиниң әслимилирини аңлитип өтти.
хатириләш мурасимиға уйғурлардин сирт йәнә, нурғунлиған чәтәллик меһманларму иштирак қилғаниди. йиғинда германийә баварийә парламентиниң муавин рәиси маркус райндерейспакер (Markus Rinderspacher) , чех парламенти кеңәш палата әзаси җири оберфалзер (Jiri Oberfalzer) вә тибәт сүргүн һөкүмитиниң пирезиденти пенпа сериң (Penpa Tsering) қатарлиқларму айрим-айрим сөз қилди.
һәр саһәдин кәлгән меһманларниң нутуқлиридин кейин ечилиш мурасими уйғурларниң мәдәнийәт паалийити билән қизғин кәйпийат ичидә давам қилди.
мурасимдин бурун намайиш өткүзүлди
3-май җүмә күни чүштин кейин, мйунхендики хитай консулханиси алдида хитайниң ирқий қирғинчилиқ җинайәтлиригә вә ши җинпиңниң йавропа зийаритигә қарши зор көләмлик бирләшмә намайиш өткүзүлди.
бу намайишқа һәрқайси әлләрдин кәлгән көп сандики уйғурлар қатнашти. д у қ рәиси долқун әйса әпәнди намайишта қилған сөзидә, бу намайишниң мәқситиниң хитай консулханиси арқилиқ уйғурларниң авазини бейҗиңға йәткүзүш икәнликини тәкитлиди.
2024-йили 4-май