хитай билән җәнубий африқа дипломатик мунасивитиниң дәриҗисини өстүргән

хитай билән җәнубий африқа дүшәнбә күни икки тәрәплик мунасивитини «йеңи дәврдики һәр тәрәплимә истратегийилик һәмкарлиқ мунасивити» гә көтүргәнликини илан қилди.

хәвәр қилинишичә, хитай президенти ши җинпиң вә җәнубий африқа президенти кирил рамафоса 2024-йиллиқ хитай-африқа һәмкарлиқ мунбири (FOCAC) башлиқлар йиғинидин илгири 2-синтәбир бейҗиңда сөһбәт өткүзгән.
 
байанатта ейтилишичә, икки дөләтниң рәһбәрлири икки тәрәпниң һәмкарлиқ шериклик мунасивити «күчлүк сийасий мунасивәт» ни асас қилип, тәңпуң сода, иқтисадий бурулушни тезлитип, кәлгүси гүллинишни ишқа ашуруду» дәп қариған.

рамафоса йиғин җәрйанида җәнубий африқа билән хитай оттурисидики сода қизил рәқимини азайтип, икки дөләт оттурисидики сода қурулмисиниң тәңпуңсизлиқини һәл қилишни үмид қилидиғанлиқини билдүрүп, техиму имканийәтлик сиҗил йасимичилиқ мәблиғи вә хизмәт пурсити йаритишни илгири сүрүшни тәләп қилған.

хитай җәнубий африқиниң дунйадики әң чоң сода һәмраһи, әмма бултур җәнубий африқиниң хитайдин импорт қилиши експорттин зор дәриҗидә ешип кәткән.

сөһбәттин кейин, икки дөләт сүний һәмраһ йол башлаш системиси, туралғу вә олтурақ район қурулуши, җәнубий африқиниң сүт вә хам йуң експортиға карантин вә сағламлиқ тәлипи, пән-техника һәмкарлиқи қатарлиқ саһәләрни өз ичигә алған бир қатар һәмкарлиқ келишими имзалиған.

2024-йили 3-синтәбир