йеқиниқи бир нәччә йилда, пакистанниң охшаш болмиған җайлирида хитай ишчилириға қаритилған һуҗумлар арқа-арқидин йүз бәрди. хәвәр қилинишичә, йәкшәнбә күни кәчтә карачи шәһиридики бир өзини қошуп партлитиш һуҗумида икки хитай инжинер өлгән.

игилинишичә, партлитиш вәқәси 6-өктәбир йәкшәнбә күни кәчтә карачи айродроми әтрапида йүз бәргән болуп, икки хитай вә бир гумандар өлгән, аз дегәндә 10 киши йариланған. 

хитайниң пакистандики әлчиханиси йәкшәнбә күни кәчтә йүз бәргән партлашниң синд өлкисидики електр енергийиси түридә ишләватқан хитай инженерлириниң машина әтритигә қаритилған «терорлуқ һуҗуми» икәнликини ейтти.

хәвәр қилинишичә, йеқинқи йиллардин буйан хитайниң пакистандики түрлиригә қатнашқан хитай пуқралириға бир қатар һуҗумларни елип барған вә пакситанда бөлгүнчи тәшкилат дәп қаралған балучистан азадлиқ армийиси бу һуҗумни үстигә алған.

мәзкур тәшкилат дүшәнбә күни елан қилған байанатида, карачи айродромидин кәлгән «хитай инженерлири вә мәбләғ салғучиларниң йуқири дәриҗилик машина әтрити» ни нишан қилғанлиқини ейтқан. 

тәшкилат кейинки байанатида вәқәни өзини өлтүривелиш характерлик һуҗум дәп тәсвирләп, вәқә садир қилғучиниң мәзкур тәшкилатниң өзини қошуп партлитиш әтрити болған маҗид биригадисиниң әзаси шаһ фаһад икәнликини ейтқан.

хитай әлчиханисиниң байанатида билдүрүлишичә, инженерлар хитай мәбләғ салған қасим порти (Port Qasim) електр генераторлар чәклик ширкитиниң бир қисми болуп, карачиға йеқин қасим портида икки көмүр електр истансиси қурушни мәқсәт қилған.

миңлиған хитай ишчилар пакистанда ишләватқан болуп, уларниң көпинчиси бейҗиңниң нәччә милйард долларлиқ бәлвағ вә йол тәшәббусиниң бир қисми сүпитидә икки дөләт оттурисида иқтисадий каридор бәрпа қилишқа қатнашқан.

балучистан азатлиқ армийиси башқа балуч гуруппилири билән бирликтә пакистандин мустәқил болуш үчүн узундин буйан күрәш қилип кәлгән. улар йәрлик хәлқниң бу районға селинған мәбләғ вә қурулушлардин нәпкә еришәлмигәнликини оттуриға қойуп, хитайниң қурулуш түрлиригә қаршилиқ билдүрүп кәлмәктә.

2024-йили 7-өктәбир