уйғур вә қоғдашқа иһтийаҗлиқ башқа милләт йаки диний гуруһ әзалириниң мәҗбурий һалда хитайға қайтурулушиға қарита виза чәкләш сийаситиниң елан қилиниши

марко рубио, ташқи ишлар министири

2025-йили 14-март

бүгүн мән уйғурларни вә йаки қоғдашқа иһтийаҗлиқ башқа итник йаки диний гуруппиларниң әзалирини хитайға мәҗбурий қайтуруп бериштә мәсулийити болған йаки бу ишқа четишлиқ вәзипә өтәватқан йаки сабиқ чәтәл һөкүмәт әмәлдарлириға қарита йеңи виза чәкләш сийаситини елан қиливатимән. бизниң хитайниң һөкүмәтләргә уйғур вә башқа милләтләрни мәҗбурий хитайға қайтуруш үчүн бесим ишлитишигә зәрбә бериш ирадимиз кәскин, чүнки улар у йәрдә қийин-қистаққа учрайду вә мәҗбурий ғайиб болиду.

мән бу сийасәтни дәрһал иҗра қилип, тайланд һөкүмитиниң 27-феврал тайландтин 40 уйғурниң мәҗбурий қайтурулишиға мәсул йаки буниңға қатнашқан һазирқи вә сабиқ әмәлдарлириға виза чәклимиси қойуш тәдбирини йолға қойдум.

хитайниң узундин буйан елип бериватқан ирқий қирғинчилиқ һәрикәтлири вә уйғурларға қаритилған инсанийәткә қарши җинайи қилмишлирини нәзәрдә тутуп, биз дунйадики һөкүмәтләрни уйғур вә башқа гуруппиларни хитайға мәҗбурий қайтурмаслиққа чақиримиз.

бу виза чәкләш сийасити «көчмәнләр вә дөләт тәвәлики қануни» ниң 212-маддисиниң (a) (3) (C) тармақчисидики бәлгилимә бойичә болуп, дөләт ишлири мәһкимисиниң уйғурларниң мәҗбурий һалда хитайға қайтурулишиға мәсул болған йаки униңға четишлиқ болған һазир вәзипә өтәватқан йаки сабиқ чәтәл һөкүмәт әмәлдарлириға виза чәклимиси қойушиға йол қойиду. бундақ кишиләрниң бәзи аилә әзалириму бу чәклимиләргә учриши мумкин.

- америка ташқи ишлар министирлиқи (U.S. DEPARTMENT of STATE)