америка федератсийә сотчиси америка йәршари ахбарат агентлиқиниң «америка авази радиосиниң хизмәтчилири йаки һөддигәрлиригә қарита иштин бошитиш, хадим қисқартиш, вақтинчә тохтитиш йаки маашсиз рухсәткә қойуп бериш тәдбирлирини қоллинишини» чәклиди, һәмдә трамп һөкүмитиниң һәрикитини «типик бир өз бешимчилиқ вә халиғанчә қарар чиқириш делоси» дәп атиди.
америкида трамп һөкүмити йеқинда тойуқсиз мәмурий буйруқ чиқирип, һөкүмәт малийәсидин пайдилиниватқан бир қисим «тапавәтсиз» органларни қисқартишни қарар қилған. америка йәршари ахбарат агентлиқи (USAGM) қаримиқидики америка авази вә әркин асийа раиоси қатарлиқ ахбарат органлири бу сәвәблик хадим қисқартиш йаки пүтүнләй тақилиш хәвпигә дуч кәлгән иди. әркин асийа радиоси уйғурчә бөлүминиңму бу сәвәблик паалийәттин тохташ мумкинчили муһаҗирәттики уйғурлар арисида әндишә пәйда қилған иди.
бирләшмә агентлиқ қатарлиқларниң хәвәр қилишичә, нйойорктики бир сот мәһкмиси 28-март җүмә күни тирамп һөкүмитиниң америка авази (VOA) ни тарқитиветиш һәрикитини чәкләш тоғрисида қарар чиқирип, һөкүмәт малийәси билән меңиватқан бу органниң хизмәтчилирини иштин бошитишни чәклигән.
сотчи җамес паул откен (James Paul Oetken) вақитлиқ буйруқ чиқирип, америка йәршари ахбарат агентлиқиниң йәниму илгирилигән һалда америка авази (VOA) хизмәтчилири йаки һөддигәрлирини «иштин бошитиш, қисқартиш, вақтилиқ тохтитиш йаки маашсиз рухсәткә қойуп бериш» тәдбири қоллинишини чәклигән. мәлум болушичә, тәхминән 1200 хизмәтчи икки һәптә илгири тирамп мәбләғ кемәйтиш буйруқи сәвәблик вақтлиқ иштин тохтитилған.
бу қарарда йәнә VOA ишханилирини тақаш йаки чәтәлдики хизмәтчиләрниң америкиға қайтип келишини тәләп қилиш чәкләнгән.
шуниң билән биргә, бу қарар йәнә америка йәршари ахбарат агентлиқиниң башқа ахбарат органлириға бериливатқан мәбләғ тохтитишини тосиду. бу ахбарат органлири әркин йавропа радиоси / азадлиқ радиоси (Radio Free Europe/Radio Liberty), әркин асийа радиоси (Radio Free Asia) вә әркин афғанистан радиосини өз ичигә алиду. бу орган пәйшәнбә күни байанат илан қилип, вашингтондики бир сотчиниң буйруқидин кейин әркин йавропа радиосиниң мәблиғини әслигә кәлтүргәнликини ейтқан.
дәвагәрләрниң адвокати андрев ге селли: «бу ахбарат әркинлики вә асасий қанунниң тунҗи түзитиш киргүзүлгән маддисиниң һәл қилғуч ғәлибиси, шундақла трамп һөкүмитиниң демократик принсипларға пүтүнләй сәл қаришиға берилгән бир тәнбиһ» дегән.
игилинишичә, бу әрзни америка авази радиосиниң хизмәтчилири, ишчилар ойушмиси вә сөз әркинликини тәшәббус қилидиған «чеграсиз мухбирлар тәшкилати» (RSF) бирликтә сунған. улар VOA ни тақаш хизмәтчиләрниң асасий қанунниң биринчи түзитиш киргүзүлгән маддиси арқилиқ қоғдилидиған сөз қилиш һоқуқиға дәхли-тәруз қилғанлиқ дәп әйиблигән.
2025-йили 31-март
