голландийәниң парламент әзаси ситефан ван барле бир тәклип лайиһәси сунуп, голландийә һөкүмитини «шәрқий түркистан» дегән исимни ишлитишкә чақирди.

игилинишичә, голландийәдики Denk партийәсиниң рәиси вә парламенет әзаси ситефан ван барле (Stephan van Baarle) 9-апрел парламентқа бир тәклип лайиһәси сунуп, һөкүмәтниң барлиқ алақилирида вә һөҗҗәтлиридә «шинҗаң» дегән намни әмәс, бәлки «шәрқий түркистан» дегән исимни ишлитишни тәләп қилған.

мәзкур лайиһә голландийә авам палатасиниң рәсмий тор бетидиму илан қилиған болуп, у тәклип лайиһәсидә «шәрқий түркистан» аталғусиниң тарихий нам икәнликини, «шинҗаң»ниң болса мустәмликә нами икәнликини, көп сандики уйғурларниң «шәрқий түркистан» дегән исимни йахши көридиғанлиқини, һөкүмәтниң барлиқ алақилирида «шәрқий түркистан» дегән исимни ишлитишни тәләп қилидиғанлиқини билдүргән.

голландийә уйғурлар үчүн көп қетим аваз чиқарған, шундақла уйғурлар бир қәдәр көп олтурақлашқан йавропа дөлити болуп, ван барлениң партийиси мәзкур дөләттики уйғур җамаәтчилики билән алақисини сақлап кәлгән. 2021-йили америка ташқи ишлар министирлиқи хитайниң уйғурларға ирқий қирғинчилиқ йүргүзүватқанлиқини илан қилғандин кейин, голландийә парламенти башқа ғәрб парламентлири билән биргә хитайниң шәрқий түркистандики җинайәтлирини «ирқий қирғинчилиқ» дәп бекиткәниди.

2025-йили 14-април