түркситан таймис, 2025-йили 24-май, түркийәниң истанбул шәһиридә өткүзүлүватқан вә түрк дунйасниң әнәнивий тәнһәрикәт вә мәдәнийәт мираслирини күнимиздә җанландуруш мәқсәт қилинған түрк дунйаси әнәнивий тәнтәрбийә мәдәнийәт фестивалида уйғур мәдәнийәт көргәзмиси үчүн мәхсус чеидр қурулди. 

игилинишичә, түркийәдә 22-майдин тартип 25-майғичә давамлишидиған 7-нөвәтлик «етноспорт күлтүр фестивали» истанбул ататүрк айродурумида өткүзүлүватқан болуп, шәрқий түркистан үчүн мәхсус чедир қурулуп, уйғур күлтүри тонуштурулди.

йилда бир қетим давамлишип кәлгән мәзкур фестивалға бу йил 35 дөләтниң вәкиллири иштирак қилған болуп, оқйа етиш, ат бәйгиси қатарлиқ әнәниви тәнһәрикәтләр, ойунлар, әнәниви сәнәтләр вә башқа түрлүк паалийәтләр зийарәтчиләрниң һузуриға сунулди. ечилиш мурасимиға дөләтниң муһим әрбаблири, һәрқайси дөләтләрниң дипломатлири қатнишип, тәбрик сөзи қилди вә бу фестивалниң әһмийитини алаһидә тәкитләшти.

бу йиллиқ фестивалда «шәрқий түркистан нузугум күлтүр вә аилә җәмийити» шәрқий түркистан үчүн мәхсус чедир қуруп, уйғур күлтүрини тонуштурди. чедирға шәрқий түркистан байриқи, уйғурларниң әнәниви кийим-кечәклири, йемәк-ичмәклири, сәнәткә тойунған турмуш буйумлири, сәнәт әсәрлири қойулуп, зийарәтчиләрниң диққитини тартти.

фестивалда йәнә балилар үчүн түрлүк ойунлар, паалийәтләр орунлаштурулған болуп, йеңи әвладларға түрк дунйасиниң, һәрқайси милләтләрниң әнәнә, өрп-адәт, күлтүр, сәнитини йеқиндин һес қилдуруш пурсити тәминләп берилгән.

мәлум болушичә, мәзкур паалийәт хәлқара олимпик комитети тәрипидин етирап қилиған ««дунйа етноспорт бирләшмиси» тәрипидин уйуштурулған болуп, йәттә йилдин буйан йилда бир қетим өткүзүлүп кәлмәктә.