вашингтон | 2026-йили 12-май: америка әдлийә министирлиқи 11-май калифорнийә иштати алкадийа (Arcadia) шәһириниң башлиқи әйлин ваң (Eileen Wang) үстидин федератсийә сотиға әрз сунғанлиқини елан қилди. 58 йашлиқ әйлин ваң америка даирилиригә тизимлатмай туруп, хитай һөкүмитиниң көрсәтмиси билән сийасий тәшвиқат елип барған дәп әйибләнмәктә.
җинайитини тонуш вә истепа
әдлийә министирлиқиниң билдүрүшичә, гумандар ваң җинайитини бойниға елип, тәптиш тәрәп билән «җинайәтни етирап келишими» (Plea Deal) һасил қилған. шу күни у шәһәр башлиқлиқ вәзиписидин истепа бәргән. федератсийә тәкшүрүш идариси (FBI) ниң тәкшүрүш доклатида көрситилишичә, ваң 2020-йилиниң ахиридин 2022-йилиғичә болған арилиқта, «чәт әл вакаләтчиси» сүпитидә тизимлатмай туруп хитай һөкүмитиниң көрсәтмиси билән һәрикәт қилған.
әйибләш мәзмуни
әрзнамидә қәйт қилинишичә, гумандар ваң йәрликтики хитай нәслидин болған америкилиқларға қаритилған тор бекәтни башқуруш җәрйанида, хитай һөкүмитиниң сийасий тәшвиқатини тарқатқан. җүмлидин, уйғур районида ирқий қирғинчилиқ вә пахта териқчилиқидики мәҗбурий әмгәкниң мәвҗутлуқини рәт қилидиған мәзмунларни елан қилған. әгәр җинайити толуқ бекитилсә, у 10 йиллиқ қамақ җазасиға һөкүм қилиниши мумкин.
әдлийә даирилириниң инкаси
америка әдлийә министириниң дөләт бихәтәрлик ишлириға мәсул йардәмчиси айзенберг (Eisenberg) бу һәқтә байанат берип мундақ деди: «хитай һөкүмитиниң көрсәтмиси билән һәрикәт қилған бир кишиниң америкада аммиви вәзипә өтигәнлики кишини интайин әнсиритидиған бир әһвал. болупму униң чәт әл һөкүмити билән болған мунасивитиниң йошурун тутулуши мәсилиниң еғирлиқини техиму ашуриду.»
әйлин ваң 2022-йили 11-айда алкадийа шәһәрлик кеңәш әзалиқиға сайланған болуп, мәзкур шәһәрдә шәһәр башлиқлиқ вәзиписини кеңәш әзалири нөвәт билән өтәйтти. мәлуматларға қариғанда, алкадийа шәһири аһалисиниң тәхминән %60 ни асийалиқлар (хитайлар) тәшкил қилиду.
