ھەپتە ئاخىرىدا تايلاندا تۇتۇپ تۇرۇلۇۋاتقان ئۇيغۇرلار ھەققىدە ئېچىلغان بىر يىغىندا، 10 يىل ئىلگىرى خىتايدىكى زىيانكەشلىكتىن قېچىش ئۈچۈن تايلاندقا كىرگەن 40 نەچچە ئۇيغۇرنىڭ قانۇنسىز چېگرىدىن كىرىش جىنايىتى بىلەن ئەيىبلىنىپ ئادەم كۆپ ئادەم تۇتۇپ تۇرۇش مەركەزلىرىدە تۇتۇپ تۇرۇلۇۋاتقانلىقى ئوتتۇرىغا قويۇلدى.

مەلۇم بولغىنىدەك، ئۇلار 2014-2015 يىللىرى خىتاينىڭ شەرقىي تۈركىستاندىكى زۇلمىدىن قېچىپ چىققان ۋە تايلاندا تۇتۇلۇپ قالغان 500 دەك ئۇيغۇرنىڭ بىر قىسمى ئىدى. ھۆكۈمەت تەرەپنىڭ سانلىق مەلۇماتلىرىغا قارىغاندا، تايلاند كۆچمەنلەر ئەمەلدارلىرى 2014-يىلى مارتتا كەم دېگەندە 475 ئۇيغۇرنى تۇتۇۋالغان ۋە قولغا ئالغان، ئۇلارنىڭ كۆپىنچىسى سوڭخلا ئۆلكىسىدىكى كاۋچۇك ئېتىزلىرىدا تۇتۇلغان.

شۇنىڭدىن كېيىن، 100 دىن ئارتۇق كىشى مۇۋەپپەقىيەتلىك ھالدا تۈركىيەگە ئورۇنلاشتۇرۇلغان بولسىمۇ، بىر قىسمى بەختكە قارشى خىتايغا قايتۇرۇلدى ياكى تۇتۇپ تۇرۇلدى.

تايلاند دۆلەتلىك كىشىلىك ھوقۇق كومىتېتىنىڭ مەسلىھەتچىسى راتتىكۇل چانسۇرىيا(Rattikul Chansuriya)، قالغان ئۇيغۇرلارنىڭ مۇساپىرلار ئەمەس، بەلكى قانۇنسىز كۆچمەنلەر سۈپىتىدە «ناچار تۇرمۇش شارائىتى» ئاستىدا تۇتۇپ تۇرۇش ئورۇنلىرىدا تۇتۇپ تۇرۇلغانلىقىنى، ھەمدە سىرتتىكىلەر بىلەن پاراڭلىشالمايدىغانلىقىنى ئېيتتى. ئۇ يەنە ئۇلارنىڭ خىتايغا قايتۇرۇلسا ھاياتى خەۋپكە ئۇچرايدىغانلىقىنى تەكىتلىدى.