ئىگىلىنىشىچە، بېيجىڭدا بىر يۇقىرى دەرىجىلىكلەر يىغىنىغا قاتناشقان بىر قىسىم ئامېرىكا شىركەتلىرىنىڭ باش ئىجرائىيە ئەمەلدارلىرى خىتاي پرېزىدېنتى جىنپىڭنىڭ تەلىپىگە ئاساسەن زىيارىتىنى ئۇزارتىشنى قارار قىلغان. شى جىنپىڭنىڭ ئامېرىكىدىكى داڭلىق شىركەتلەرنىڭ باش ئىجرائىيە ئەمەلدارلىرى بىلەن ئۇچرىشىدىغانلىقى مۆلچەرلەنمەكتە.
مەلۇم بولۇشىچە، دورىگەرلىكتىن تېخنىكا ۋە تېلېگراف ساھەسىگىچە بولغان نۇرغۇن شىركەتلەرنىڭ باش ئىجرائىيە ئەمەلدارلىرى 24 ۋە 25-مارت كۈنلىرى ئۆتكۈزۈلگەن خىتاي تەرەققىيات مۇنبىرى ئۈچۈن بېيجىڭغا كەلگەن بولۇپ، باشلىقلار يىغىنى دۈشەنبە كۈنى ئاخىرلاشقان. ئالما شىركىتىنىڭ باش ئىجرائىيە ئەمەلدارى تىم كۇك بېيجىڭدىكى باشلىقلار يىغىنىغا قاتناشقان ۋە سۆز قىلغان مۇھىم شەخسلەرنىڭ بىرى ئىكەن.
مەنبەلەر يەنە خىتاي باش مىنىستىرى لى چياڭنىڭ چوبب باش ئىجرائىيە ئەمەلدارى ئېۋان گرىنبېرگ ۋە سەئۇدى ئەرەبىستان ئارامكو شىركىتىنىڭ باش ئىجرائىيە ئەمەلدارى ئامىن ناسىر بىلەن كۆرۈشكەنلىكىنى بايان قىلدى.
2024-يىلى 27-مارت
