مەركىزى ئىستانبۇلدا بولغان شەرقىي تۈركىستان ئۆلىمالار بىرلىكى تۈركىيەدە ئوخشاش بولمىغان ئالىي مەكتەپلەردە ئوقۇتقۇچىلىق قىلغان ۋە يېقىندا تەپسىر ئىلمىدە پىروفېسسورلۇققا ئېرىشكەن دوكتۇر نۇرئەخمەت قۇرباننى تەقدىرلەش پائالىيىتى ئۆتكۈزگەن. 

 

ئىگىلىنىشىچە، شەرقىي تۈركىستان ئۆلىمالار بىرلىكى 2024-يىلى 04-ئاينىڭ 20 – كۈنى شەنبە «ئىز قالدۇرغان ئۆلىمالارنى تونۇشتۇرۇش» پروگراممىسىنىڭ 3- قېتىملىقىنى ئۇيۇشتۇرغان بولۇپ، بۇ قېتىمقى سانىدا ئۇيغۇر خەلقىنىڭ داڭلىق ئۆلىماسى، قۇرئاننى ئۇيغۇر تىلىغا تەرجىمە قىلغۇچى ئەللامە مۇھەممەد سالىھ داموللاھاجىمنىڭ ھاياتى ۋە ئىش – ئىزلىرى تونۇشتۇرۇلۇپ ئۆتكەن.

 

پروگرامما ئاخىرىدا، ئۇيغۇرلار ئىچىدىن شەرئىي بىلىملەردە تەپسىر ساھەسىدە تۇنجى پروفېسسورلۇق ئۈنۋانى ئالغان چاناققالە 18- مارت ئۈنۋېرستىتى ئوقۇتقۇچىسى ئۇستاز نۇرئەھمەت قۇربانغا ئۆلىمالار بىرلىكى تەرىپىدىن تەقدىرنامە بېرىلگەن ۋە تون كىيگۈزۈلۈپ ئالاھىدە تەبرىكلەنگەن.