12-نويابىر كۈنى كەچتە، ئامېرىكا دۆلەت مەجلىسى بىناسىدا ئىككى قېتىملىق شەرقىي تۈركىستان جۇمھۇرىيىتىنى خاتىرىلەش پائالىيىتى ئۆتكۈزۈلدى. ئامېرىكا ئۇيغۇر جەمئىيىتى تەشكىللىگەن بۇ پائالىيەتكە ئامېرىكا دۆلەت مەجلىسى ئەزاسى، ئاۋام پالاتاسىنىڭ سابىق رەئىسى نەنسى پېلوسى خانىم، ئامېرىكا دۆلەت مەجلىسى ئاۋام پالاتا ئەزاسى توم سوزى (Tom Suozzi) قاتارلىق مۇھىم ئەربابلار قاتنىشىپ سۆز قىلدى. جۇمھۇرىيەتچىلەردىن بولغان ئامېرىكا كېڭەش پالاتا ئەزاسى ماركو رۇبىيو بىلەن ئاۋام پالاتا ئەزاسى كىرىس سىمىت سەپەر ئۈستىدە بولۇپ قېلىپ بۇ پائالىيەتكە قاتنىشالمىغان بولسىمۇ، ئەمما مەزكۇر پائالىيەتكە ئاتاپ مەخسۇس تەبرىك سۆزى يوللىدى. بۇ پائالىيەتكە يەنە ئامېرىكادا ياشاۋاتقان، ئۇيغۇر دەۋاسى ئۈچۈن خىزمەت قىلىۋاتقان پائالىيەتچىلەر ھەمدە بىر قىسىم ئۇيغۇر جامائىتى قاتناشتى.

ئامېرىكا دۆلەت مەجلىسىدە شەرقىي تۈركىستان جۇمھۇرىيىتىنى خاتىرىلەش پائالىيىتى ئۆتكۈزۈلدى

Америка Дөләт Мәҗлисидә Шәрқий Түркистан Җумһурийитини хатириләш паалийити өткүзүлди

Amérika Dölet Mejliside Sherqiy Türkistan Jumhuriyitini xatirilesh paaliyiti ötküzüldi

مەنبە: ئەركىن ئاسىيا رادىئوسى

2024-يىلى 15-نويابىر